26.06.2020

türkiye awazi radiyosi: gérmaniyening «Süddeutsche Zeitung» géziti, yawropa ittipaqi komitétining, gérmaniye hökümitining 9 milyard yawro qimmitidiki gérmaniye awiyatsiye shirkiti – luftansani qutquzush pilanini maqullighanliqini xewer qildi.

gérmaniye «zdf.de» tori, yawropa dora agéntliqining, kowid – 19 bimarlirigha rémdésiwir dorisini «shertlik sétish ruxsiti» bérish teklipini otturigha qoyghanliqini yazdi.

gérmaniye awazi radiyosi (DW), bir zhurnalist üstidin sotqa erz sunidighanliqini élan qilishidin kéyin qattiq eyibleshlerge duch kelgen gérmaniye tashqi ishlar ministiri horst shhoférning pikridin yaltayghanliqini anglighuchliri bilen ortaqlashti.

londonda erebche neshr qilinidighan «elquddus elerebi» géziti, bezi sezgürlük (alérji) türlirining wuxen wirusidin qoghdash éhtimali barliqini ilgiri sürdi.

«yom 7» géziti, msiir parlaméntining wuxen wirusi yuqumi az sheherlerdiki jamelerning qismen échilishini telep qilghanliqini xewer qildi.

«eddustur» géziti, bir qisim mensupliri nazaret astigha élinghandin kéyin heshdushshebi qoralliqlirining baghdad kochilirida körülüshke bashlidighanliqini ilgiri sürdi.

firansiyening «lé mondé» géziti, b d t balilar parawanliq fondining acharchiliq siziqida turuwatqan milyonlarche yemenlik balining aqiwiti toghrisida agahlandurush élan qilghanliqini oqurmenliri bilen ortaqlashti.

firansiyening «firans-24» xewerler qanili, üch ay boyiche taqaq halette turghan parizhdiki orly ayrodurumida awiyatsiye qatnishining qaytidin bashlighanliqi toghrisidiki uchurlarni oqurmenlirining diqqitige sundi.

bélgiyening «lé soir» géziti, parlamént ezalirining maska taqimighan (bélgiye bash ministiri) sofié wilmésqa naraziliq bildürgenlikini xewer qildi.

ispaniyening «la wanguardia» géziti, portugaliye (paytext) lizbonning 24 rayonining 19 ida (wuxen wirusi sewebidin) yéngiwashtin cheklimilerni yolgha qoyidighanliqini ilgiri sürdi.

wénésuélada chiqidighan «télésur» géziti, gérmaniyening péruda wuxen wirusigha diyagnoz qoyush xizmetlirini bashlaydighanliqini yazdi.

argéntinada chiqidighan «infobaé» géziti, wuxen wirusidin kéyinki yawropa iqtisadining yaxshiliniwatqanliqini xewer qildi.

rusiyening «lénta.ru» xewerler tori, yawropa ittipaqining rusiyeni 1 – iyuldin bashlap ishiklirini échiwétidighan döletler qatarigha kirgüzüshni ret qilghanliqi toghrisidiki uchurlarni oqurmenlirining diqqitige sundi.

rusiyening «kommérsant» géziti, yaponiyening, kuril arallirigha yéqin jayda géologiyelik tekshürüsh élip barghan rusiyege ultimatum tapshurghanliqini yazdi.

rusiyening «tass» xewer agéntliqi, gérmaniye hökümitining, amérikaning shimaliy éqim – 2 ge qarshi élan qilghan émbargolirini ijra qilishqa bashlash  éhtimalini nezerde tutup, bezi tedbirlerni yolgha qoyushqa teyyarliniwatqanliqini xewer qildi.