02.06.2020

gérmaniyede chiqidighan «züddayche zeytung géziti» (Süddeutsche Zeitung), may éyda  gérmaniyede wuxen wirusi (Kovid-19) ning tesiride, yasash sanaitining izchil töwenligenlikini xewer qildi.

gérmaniyede chiqidighan «frankfurtér algémayné zeytung géziti» (Frankfurter Allgemeine Zeitung), b d t ning yawropa ittipaqi döletlirining aqdéngizda xelqara qanungha xilapliq qiliwatqanliqini bildürgenlikini xewer qildi.

qatarda chiqidighan «elraya elqatariyya géziti», süriye kishilik hoquq közitish öyining 2020-yili may éyining, süriyede ichki urush bashlanghan 2011-yilidin buyanqi eng az ölüm körülgen ay bolghanliqini élan qilghanliqini xewer qildi.

eljezire téléwiziyesi misirda wuxen wirusi sewebidin yene sekkiz doxturning jénidin ayrilghanliqini w misir hökümitining sirtqa chiqishni cheklesh belgilimisini waqit jehettin boshatqanliqini xewer qildi.

«24-frans» qanili jorj floyd (George Floyd) ning jesitini tekshürüsh doklatigha asaslanghanda, uning ölümining «jinayet» ikenlikini xewer qildi.

ispaniyede chiqidighan «él pais géziti» (El Paiís), ispaniyede bémarlarning %60 ning wuxen wirusining qorqunchi sewebidin opératsiye bolushni ret qiliwatqanliqini xewer qildi.

rusiyening «riya nowosti agéntliqi» (RİA Novosti),  , rusiye dölet mudapie ministirliqining wuxen wirusigha qarshi yasalghan waksénaning klinkiliq tejribe siniqi üchün, besh ayalni öz ichige alghan 50 xalisane pédakar herbiy xadimni tallighanliqini xewer qildi.

rusiyening «lénta.ru» (Lenta.ru ) tori, rusiye pirézidénti putinning 2020-yili 1-iyulda asasiy qanun référandumining ötküzülidighanliqini jakarlighanliqini xewer qildi.

rusiyening «tas agéntliqi» (TASS),  ukrainaning rusiye énérgiye shirketlirige émbargo yürgüzüsh mesilisini küntertipke qoyushni pilanlawatqanliqini xewer qildi.