27.03.2020

türkiye awazi radiyosi: gérmaniye awazi radiyosi (DW), gérmaniyening italiye we firansiyedin wuxen wirusi (yéngi tiptiki tajsiman wirusluq öpke yallughi yuqumi – kowid – 19) bimarlirini qobul qilidighanliqi toghrisidiki uchurlarni oqurmenliri bilen ortaqlashti.

gérmaniyening «Handelsblatt.com» tori, gérmaniye fédératsiye parlaméntining wuxen wirusigha qarshi 750 milyard yawroluq iqtisadiy pilanni testiqlighanliqini yazdi.

gérmaniyening «Tagesschau.de» tori, wuxen wirusi yuqumlinip qaza qilghanlar sani mingdin éship ketken amérikada, bolupmu nyuyorkta ehwalning éghir ikenlikini xewer qildi.

ispaniyening «él pais» géziti, amérikaning dunyadiki eng köp yuqumlanghuchi bar dölet bolush jehette xitaydin éship ketkenlikini yazdi.

kubaning «la prénsa» géziti, kubaning dunyani kowid – 19 gha qarshi ittipaqliq ornitishqa chaqirghanliqini xewer qildi.

chilida chiqidighan «El Mercurio» géziti, amérikaning (wénésuéla pirézidénti) maduroni zeherlik chékimlik etkeschiliki bilen shughullinish bilen eyiblep, qolgha chüshürüsh üchün mukapat élan qilghanliqini yazdi.

firansiyede chiqidighan «lé mondé» géziti, wuxen wirusi yüzisidin bir hepte ichide bir milyondin artuq firansuzning parizh tewelikidin chiqip ketkenlikini ilgiri sürdi.

firansiyening «lé figaro» géziti, doxturlarning xilorowin tablitini kowid – 19 bimarlirigha bérishige ruxset qilinghanliqini yazdi.

yene firansiyening «lé parisién» géziti, kowid – 19 din yuqumlinip wapat bolghan 16 yashliq juliéning achisining közlirige yash alghan halda, héchkimning (wirus aldida) yéngilmes emeslikini éytqanliqini oqurmenliri bilen ortaqlashti.

rusiyening «tass» xewer agéntliqi, rusiyening 27 – marttin bashlap barliq xelqaraliq nöwetchi ayropilanlarning uchushigha cheklime qoyghanliqini yazdi.

«ria nowosti» agéntliqi, rusiye biwasite meblegh sélish fondi bash dériktorining, rusiyening kowid – 19 üstidin qolgha keltürülidighan zeperde muhim rol oynaydighanliqini ilgiri sürgenlikini xewer qildi.

yene rusiyening «izwéstiya» géziti, özbkistanda tunji qétim bir yuqumlanghuchining qaza qilghanliqini yazdi.

seudi erebistanda inglizche neshr qilinidighan «eshsherq elewsat» géziti, wuxen wirusi sewebidin iyordaniyening irbid shehiride karantin tüzümini yolgha qoyghanliqi toghrisidiki uchurlarni oqurmenlirining diqqitige sundi.

qatarda chiqidighan «erraye elqatariyye» géziti, iraqning paytexti baghdadtiki hökümet binaliri we chet el elchixaniliri jaylashqan yéshil rayonning bashqurulidighan bomba hujumigha uchrighanliqini yazdi.

omanda chiqidighan «elwetan» géziti, oman sultanliqi tewelikide wuxen wirusidin yuqumlanghuchilarning sanining 99 gha yetkenlikini xewer qildi.