13.03.2020

 türkiye awazi radiyosi: qatarda chiqidighan «elraya elqatariyya géziti», liwanda üch kishining wuxen wirusi sewebidin jénidin ayrilghanliqini, aljiriyede bir kishide wuxen wirusining bayqalghanliqini xewer qildi.

seudi erebistanda inglizche chiqidighan «eshsherq elewsat géziti», seudi erebistanda yéngidin wuxen wirusigha munasiwetlik 17 weqening körülgenlikini xewer qildi.

behreynde chiqidighan «elayam géziti», amérikaning iraqtiki herbiy qisimlirigha qilinghan hujumdin kéyin, intiqam élish heriikiti bashlighanliqini, emma bombardiman qilinghan jaylarning élan qilmighanliqini xewer qildi.

gérmaniye awazi radiyosi, rusiye krémil sariyining türkiye bilen bolghan yéqin hemkarliqlarning dawamlishidighanliqini éytqanliqini xewer qildi.

gérmaniyening «ard.de» tori gérmaniyede wuxen wirusi sewebidin jénidin ayrilghanlarning altige chiqqanliqini élan qildi.

gérmaniyening «zdf.de» tori, yawropa ittipaqining amérikaning sayahet cheklimisige naraziliq bildürgenlikini élan qildi.

ispaniyede chiqidighan «él pais géziti» (El País), ispaniyede 10 milyon artuq oqughuchining wuxen wirusi sewebidin oqush bashlimaydighanliqini xewer qildi.

paragwayda chiqidighan «altimaxora géziti» (Ultimahora), paragwayda wuxen wirusi bilen yuqumlanghanlarning altige chiqqanliqini, 119 kishining wuxen wirusi gumandari ikenlikini xewer qildi.

méksikada chiqidighan «lakornara géziti» (La Jornada), amérikaning niyu york shehiridiki wol strét (Wall Street) pul-muamile merkizide, pul-muamile paaliyetlirining töwenlep ketkenlikini؛ bu ehwalning 1987-yilidin kéyin körülgen «eng nachar ehwal» ikenlikini xewer qildi.

firansiyede chiqidighan «lé parisiyin géziti» (Le Parisien), firansiye pirézidénti makronning mektep we uniwérstétlarning «yéngi uqturush» chiqqiche taqalghanliqini élan qildi.

firansiyede chiqidighan «lé figaro géziti» (Le Figaro), kanada bash ministiri jastin tréduning repiqiside wuxen wirusining bayqalghanliqini, bash ministirningmu özini karantin qiliwatqanliqini xewer qildi.

bélgiyede chiqidighan «löswa géziti» (Le Soir ), wuxen wirusining 13 mingdin artuq kishige yuqushi mumkinlikini xewer qildi.

rusiyening «riya nowosti agéntliqi» (RİA Novosti), amérika tashqi ishlar ministiri mayk pompéyoning rusiye néfit shirkiti «rosnéfit» (Rosneft ) qa émbargo yürgüzüshning meqsitini élan qilghanliqini xewer qildi.

rusiyening «lénta.ru» tori (Lenta.ru), rusiyening puli rubli (Ruble) ning dunyadiki eng paxal pul birlikidinmu töwen halgha chüshüp qalghanliqini xewer qildi.

rusiyening «intérfaks» tori (İnterfaks), rusiyede yéqinqi 24 saet ichide yéngidin wuxen wirusi bilen yuqumlanghan alte kishining bayqalghanliqini élan qildi.