03.03.2020

 türkiye awazi radiyosi: seudi erebistanda inglizche chiqidighan «eshsherq elewsat géziti», b d t wuxen wirusi sewebidin yighin sanini azaytiwatqanliqini élan qildi.

qatarda chiqidighan «elraya elqatariyya géziti», 11 ereb dölitide wuxen wirusigha munasiwetlik weqeler sanining 165 chiqqanliqini xewer qildi.

ummanda chiqidighan «weten géziti», ummanning ereb ittipaqining nöwetchi reislik wezipisini tapshurup alghanliqini xewer qildi.

ispaniyede chiqidighan «él pais géziti» (El Pais), wuxen wirusining zukamdin téximu yuqumluq ikenlikini we hawa témpératurasining issiyishi bilen wirusqa munasiwetlik weqeler sanining aziyish mumkinlikini xewer qildi.

méksikada chiqidighan «él uniwérsal géziti» (El Universal), ikki qétim wuxen wirusi bilen yuqumlanghanliqi bayqalghan bir ayalning amérikaning téksas ishtatidiki soda sariyida aylanghanliqini xewer qildi.

boliwiyede chiqidighan «larasan géziti» (La Razón), boliwiye bilen ispaniyening otturidiki mesililerni bir yaqqa qayrip qoyup, ikki terep munasiwetlirini yaxshilash basquchini bashlighanliqini xewer qildi. gérmaniye awazi radiyosi, gérmaniyening süpetlik emgek küchlirige ishiklirini achqanliqini xewer qildi.

«ard.de» tori girétsiyening köchmenlerge yash aqquzush bombisi atqanliqini xewer qildi.

gérmaniyede chiqidighan «züddayche zeytung géziti» (Süddeutsche Zeitung), dunya iqtisadida wuxen wirusi kirizisining körülüwatqanliqini xewer qildi.

«rosiyiskaya géziti» (Rossiyskaya), amérikaning rusiyening baltiq döletlirige tehdit shekillendürmeydighanliqini qobul qilghanliqini xewer qildi.

r b k (RBK) chéchenistan pirézidénti qadirowning amérika pirézidénti donald trampning atalmish tinchliq pilanigha, musulman alimige qarshi jinayet dep baha bergenlikini xewer qildi.

firansiyede chiqidighan «lé figaro géziti» (Le Figaro), firansiyede wuxen wirusi bilen yuqumlanghanlar sanining 191 ge, jenubiy koréyede 5000 ge chiqqanliqini élan qildi.

«24-frans» qanili 3-49 nomurluq qanunning parlaméntta testiqlinip ijra qilinishqa qoyulghandin kéyin, pénsiye islahatigha qarshi turghuchilarning xelqni namayish qilishqa chaqirghanliqini xewer qildi.

bélgiyede chiqidighan «löswa géziti» (Le Soir), bélgiyeliklerning wuxen wirusi sewebidin yémek-ichmek toplashqa bashlighanliqini xewer qildi.