26.02.2020

türkiye awazi radiyosi: seudi erebistanda ingiliz tilida chiqidighan «‹eshsherqul ewset› géziti», «amérika qoshma ishtatliri tashqi ishlar ministiri mayk pompéyo iranni heqiqiy ehwalni ashkarilashqa chaqirdi, iran pirézidénti hesen ruhani bolsa <düshmenlerning suyiqestlik pilani> mesiliside agahlandurdi» serlewhilik xewirini oqurmenlirining diqqitige sundi.

qatarda chiqidighan «‹errayel qeteriyye› géziti», qatargha émbargo yürgüzülüwatqinigha 1000 kün bolghanliqini yazdi.

«‹weten› géziti», «misirning aghduruwétilgen pirézidénti hösni mubarek öldi, misirda 3 kün matem élan qilindi» serlewhilik xewirini oqurmenliri bilen ortaqlashti.

gérmaniyening «‹ Deutsche Welle› xewerler tori», munu uchurlarni oqurmenlirining diqqitige sundi:

 bérlin ichki ishlar ministiri andréas géysél, ölkidiki jamelerning resmiy forma kiygen we puqrache kiyingen saqchilar teripidin téximu yaxshi qoghdilidighanliqini éytti.

gérmaniyening «‹ Welt.de › xewerler tori», xiristiyan démokratlar birliki partiyesining reisliki üchün armin laschét we norbért rötgéndin kéyin frédrich mérzningmu namzat bolghanliqini yazdi.

gérmaniyening «‹ Handelsblatt.com › xewerler tori», munu uchurlarni oqurmenliri bilen ortaqlashti:

gérmaniye hökümiti girétsiye arallirigha köchmenlerning ötüshini azaytish üchün, türkiye sahil bixeterlik etretlirige 32 milyon yawroluq iqtisadiy yardem bérishke teyyarlanmaqta.

firansiyede chiqidighan «lé mondé géziti» (Le Monde), firansiyede yene ikki kishining «wuxen wirusi» bilen yuqumlanghanliqini yazdi.

firansiyede chiqidighan «‹ Le Figaro  › géziti», bir  tetqiqat netijisige asaslanghanda, amérika qoshma ishtatlirida aq tenlik saqchilarning qara tenlik saqchilargha qarighanda qoralni téximu köp ishlitidighanliqini xewer qildi.

firansiyede chiqidighan «‹ Le Parisien › géziti» ning xewiride mundaq déyildi:

 3 – öktebir küni parizh jamaet xewpsizliki idarisigha qilinghan hujumning térrorluq hujumi ikenliki  jezmleshtürüldi.

ispaniyede chiqidighan «‹ El País › géziti», munu uchurlarni oqurmenlirining diqqitige sundi:

madrid tunji «wuxen wirusi» bayqalghanliqini jezmleshtürdi, ténérifé arilidimu 4 kishining «wuxen wirusi» bilen yuqumlanghanliqi éniqlap chiqildi.

ispaniyening «‹ EFE› agéntliqi», töwendiki uchurlarni oqurmenliri bilen ortaqlashti:

biryussél bilen yawropa ittipaqi elliri «wuxen wirusi» sewebidin chégralarni taqash mesilisi üstide söhbet élip barmaqta.

wénézuélaning «‹ Telesur› téléwiziye qanili», rusiye  we wénézuéla tashqi ishlar ministirlirining hemkarliqni kücheytish meqsitide bir yerge jem bolghanliqini yazdi.

rusiyening «‹ TASS › agéntliqi », amérika qoshma ishtatliri pirézidénti donald trampning ukraina mesilisi sewebidin rusiyege yürgüzülüwatqan émbargolarning mudditini yene bir yil uzartqanliqini xewer qildi.

rusiyede chiqidighan«‹ Izvestiya› géziti», töwendiki uchurlarni oqurmenlirining diqqitige sundi:

rusiye insan salametliki we istémalchilarning heq – hoquqlirini qoghdash orgini, «wuxen wirusi» sewebidin ruslarni italiye, jenubiy koréye we irangha sayahet qilmasliq toghruluq agahlandurdi.

rusiyening «‹ RIA Novosti› xewer agéntliqi», rusiye énérgiye ishliri ministiri aléksandér nowakning, «uda 20 yil boyiche dunyada néfitke bolghan telep izchil dawamlishidu» dégen sözlirini neqil keltürdi.