08.01.2020

 türkiye awazi radiyosi: liwanda chiqidighan «el musteqbel géziti», amérika pirézidénti trampning, «iraqni irangha tashlap bermeymiz. iran hujum qilghan teqdirde jawabini alidu» dégenlikini xewer qildi.

ispaniyede chiqidighan «la wanguardiya géziti» (La Vanguardia), baghdadqa orunlashturulghan ispaniye eskerlirining bixeterlik sewebidin iraqtin ayrilidighanliqini xewer qildi.

ispaniyede chiqidighan «él mundo géziti» (El Mundo), öktichi rehber xuen guaydo parlaméntqa kirishke muweppeq bolghandin kéyin, wénézuélaning «waqitliq pirézidénti» süpitide qesem qilghanliqini xewer qildi.

kubaning «prénsa latina agéntliqi» (Prensa Latina), biraziliye pirézidénti bolsonaro (Bolsonaro) ning biraziliyening weziyet jiddiy bolsimu, iran bilen sodini dawamlashturidighanliqini éytqanliqini xewer qildi.

qatarda chiqidighan «elraya elqatariyya géziti», türkiye bilen aljiriyening liwiye mesiliside kélishim hasil qilghanliqini xewer qildi.

seudi erebistanda inglizche chiqidighan «eshsherq elewsat géziti», iran générali sulaymanining ölümidin kéyin, néfit we altun bahasida ösüsh körülgenlikini xewer qildi.

firansiyede chiqidighan «lé figaro géziti» (Le Figaro), iraq parlaméntining hökümetni xelqaraliq qisimni chégradin chiqiriwétishke chaqirghanliqini xewer qildi.

firansiyede chiqidighan «lé mondé géziti» (Le Monde), iranning iraqtiki amérika herbiy bazilirigha bashqurulidighan bomba bilen hujum qilghanliqini xewer qildi.

«24-frans» qanili, «amérika iranning medeniyet jaylirini bombardiman qilamdu? tramp bu mesilide keynige chékindi» serlewhiside xewer élan qildi.

rusiyening «gazetem.ru» (Gazetem.ru) tori, rusiye tashqi ishlar ministirliqining bayanatchisi mariya zaxarowaning, «amérikaliq siyasetchilerning her daim muweppeqiyetsizliklirini tashqi mesililer bilen yépip kelgenlikini we bu wesebtin, rusiye, xitay we ottura sherq döletlirining amérikaning düshmenliri dep élan qilinghanliqini» éytqanliqini xewer qildi.

rusiyening «lénta.ru» (Lenta.ru) tori, ukraina pirézidénti zélénskiyning ayropilan chüshüp ketkenliki sewebidin chet el ziyaritini yérim yolda toxtatqanliqini xewer qildi.

rusiyening «t-onlayn» (T-Online) tori, iran inqilabiy muhapizetchiler armiyesining iraqtiki amérika herbiy bazisigha hujum qilghanliqini xewer qildi.

gérmaniyening «wélt.dé» (Welt.de) tori, sulaymanining jinaze murasimida, eng az dégende 50 kishining jénidin ayrilghanliqini xewer qildi.