06.12.2019

gérmaniyening «zdf.de:» xewerler tori, kélimat özgirishi pilani heqqide her qaysi ölkilerning bésim qiliwatqanliqini xewer qildi.

gérmaniye awazi radiyosi ichki ishlar ministirliqining «jinayet ötküzgen süriyelikler chégradin qoghlap chiqirilsun» dégenlikini xewer qildi.

qatarda chiqidighan «Al-Raya Al-Katariya» géziti, israiliyening quddusta 165 öyni chiqip tashlighanliqini xewer qildi.

seudi erebistanda ingilizche chiqidighan «Alsharq Alawsat» géziti, amérika pirézidénti donald trampning irandiki namayishni basturush usuligha qarita «intayin qorqunchluq», «wehshilerche» dep baha bergenlikini xewer qildi.

omanda chiqidighan weten géziti, pelestinning bayanatida, «israiliyening yéngi yehudi olturaq rayonliri qurulishi siyasitini dawamlashturushi, tinchliqning ishqa éshishigha tosqunluq qilmaqta» déyilgenlikini xewer qildi.

firansiyede chiqidighan «Le Monde» géziti, pinsiyonérliq islahatigha qarshi firansiyede bashlanghan ish tashlash paaliyitining 5 – dékabirdiki ghelibisidin kéyin, ishchilar uyushmilirining buningdin kéyin némilerni qilish kérekliki heqqide oylishiwatqanliqini xewer qildi.

firansiyede chiqidighan «Le Parisien» géziti, parizhda saént gérman komandisi bilen galatasaray komandisi otturisidiki musabiqida bélet sétilish tertipige qarita eng yuqiri bixeterlik tedbirliri élinghanliqini xewer qildi. 

firansiyede chiqidighan «Le Parisien» géziti, yawropa döletlirining iranni, yadoro oq béshi toshush iqtidarigha ige balistik bashqurulidighan bomba tereqqiy qildurush bilen eyiblewatqanliqini xewer qildi.

ispaniyede jiqidighan «El Mundo» géziti, ispaniye padishahining bash ministir pédro sanchézni kéler charshenbe küni ministirlar kabéntini qurup chiqishqa teyinligenlikini xewer qildi.

ispaniyede jiqidighan «El País» géziti, argéntina pirézidénti mariko makrining ijabiy bir shekilde pirézidéntliq wezipisi bilen widalashqanliqini xewer qildi.

chilide chiqidighan «La Tercera» géziti, chili merkez bankisining 2020 – yilidiki ishsizliq nisbitini %10 etrapida bolidu, dep texmin qiliwatqanliqini we shirketlerning yérimidin köprekide ishchilarni xizmettin boshitish ehwalliri körilidighanliqini bildürgenlikini xewer qildi.

rusiyening «Vesti» géziti, amérika edliye ministirining rusiyelik diplomatiye xadimlargha wriza bermeslik mesilisige alahide köngül bölüshke wede bergenlikini xewer qildi.

rusiyening «Kommersant» géziti, sabiq amérika elchisi jon hantsmanning «rusiye amérikadiki 2020 – yilliq pirézidéntliq saylamlirigha mudaxile qilalaydu, dep qaraymen» dégenlikini xewer qildi. 

rusiyening «TASS» agéntliqi, rusiye néfit shirkiti «Transneft» ning ukraina arqiliq néfit yötkesh üchün 2030 – yilgha qeder 106 milyard 700 milyon rubli pul töleydighanliqini xewer qildi.