30.10.2019

 türkiye awazi radiyosi: seudi erebistanda chiqidighan «eshsherq elewsat géziti», öltürülgen térrorluq teshkilati daésh rehbiri baghdadining kiyimlirining, uning turuwatqan ornini toghra békitishte muhim rol oynighanliqini xewer qildi.

qatarda chiqidighan «elraya elqatariyya géziti», tunista dölet mudapie ministiri bilen tashqi ishlar ministirlirining wezipisidin qaldurulghanliqini xewer qildi.

ummanda chiqidighan «elweten géziti», liwanda namayishlarning dawamlishiwatqanliqini we bash ministir el haririning wezipisidin istépa bergenlikini xewer qildi.

ispaniyede chiqidighan «él pais géziti», kolombiyening kawka rayonmida qoralliq bir guruppa kishining besh kishini öltürüp, alte kishini yaridar qilghanliqini xewer qildi.

ispaniyede chiqidighan «él mundo géziti», hökümetning, ispaniye padishahi we ailisining 4-5-noyabir künliride élip baridighan barsélona ziyariti we 10-noyabir ötküzülidighan saylamdin burun kataloniyede isyan chiqishtin qorquwatqanliqini xewer qildi.

chilida chiqidighan «la néyshin géziti» (La Nación), chili edliye ministirliqining 2019-yili 18-öktebir bashlanghan namayishlar sewebidin 20 kishining ölgenlikini, 1218 kishining yarilanghanliqini we 9 ming 203 kishining tutulghanliqini élan qilghanliqini xewer qildi.

gérmaniye awazi radiyosi, gérmaniye tashqi ishlar ministiri hayko maasning misirni kishilik hoquq mesiliside agahlandurghanliqini xewer qildi.

gérmaniyede chiqidighan «frankfurtér algémayné zeytung géziti», (Frankfurter Allgemeine Zeitung), engliyening 12-dékabir (2019) muddettin burun saylam ötküzidighanliqini xewer qildi.

gérmaniyening «shpéygél onlayn» (Spiegel Online), amérika pirézidénti donald trampning térrorluq teshkilati daéshning kattibéshi baghdadining orunbasari bolalaydighan kishiningmu herbiy herikette öltürülgenlikini élan qilghanliqini xewer qildi.

rusiyening «tas agéntliqi» (TASS), rusiye tashqi ishlar ministiri sérgéy lawrowning amérikaning süriyediki heriketlirining xelqara qanungha xilap ikenlikini éytqanliqini xewer qildi.

rusiyede chiqidighan «izwéstiya géziti» (İzvestiya), rusiyening dunyada tengdishi yoq herbiy paraxot yasaydighanliqini élan qildi.

firansiyening «France 24» qanili, liwan bash ministiri haririning namayishlardin kéyin wezipisidin istépa bergenlikini xewer qildi.

firansiyede chiqidighan «lé parisiyén géziti» (Le Parisien), pirézidént makronning «laikliktin dinlargha qarshi waste qilinip paydilinishqa bolmaydu» dégenlikini xewer qildi.