chet el metbuatlirida bügün: 17.10.2019

türkiye awazi radiyosi: seudi erebistanda ingiliz tilida chiqidighan «‹eshsherqul ewset› géziti», yüzlerche süriyelik kordning iraqqa qarap kétiwatqanliqini yazdi.

qatarda chiqidighan «‹errayel qeteriyye› géziti», jumhur reis rejep tayyip erdoghanning «<tinchliq buliqi> herbiy herikiti qoralliq kishilerning bixeter rayonni terk étishi bilen axirlishidu» dégen sözlirini neqil keltürdi.

liwanda chiqidighan «‹elmusteqbel› géziti»,  «amérika qoshma ishtatliri dölet mudapie ministirliqi 1000 amérika eskirining süriyening shimaliy qismidin chékinip chiqip ketkenlikini jakarlidi» serlewhilik xewirini oqurmenlirining diqqitige sundi.

gérmaniyening «‹ Welt.de › xewerler tori»,  xelqara pul fondi teshkilatining iqtisadiy tereqqiyat mölchirige asaslanghanda, gérmaniyening bu yil iqtisadiy tereqqiyatta firansiyening arqisida qalidighanliqini oqurmenliri bilen ortaqlashti.

gérmaniyening «‹Tagesschau.de › xewerler tori», «gérmaniye hökümiti yawropa ittipaqi komitéti bilen amérika qoshma ishtatlirining agahlandurushigha qarimay xitayning Huawei shirkitige 5G üchün yéshil chiragh yaqti» serlewhilik xewirini oqurmenliri bilen ortaqlashti.

gérmaniyening «‹ Deutsche Welle› xewerler tori», gérmaniye pirézidénti stéynmiyérning halléda hujumgha uchrighan kawap dukinining xojayigha téléfon qilip, hal sorighanliqini yazdi.

rusiyening «‹ TASS › agéntliqi », birleshken döletler teshkilati omumiy kéngishi birinchi komitétining amérika qoshma ishtatliridin yötkilish mezmun qilinghan qanun layihesi teyyarlighanliqini oqurmenlirining diqqitige sundi.

rusiyening «‹ RIA Novosti› xewer agéntliqi», «rusiye amérika hökümet zayomlirigha salghan meblighini 800 milyon dollarghiche ashurdi» serlewhilik xewirini oqurmenliri bilen ortaqlashti.

rusiyening «‹ Lenta.ru › xewerler tori», türkiyening amérika qoshma ishtatlirining émbargolirigha jawab qayturushqa teyyarliniwatqanliqini yazdi.

firansiyening «‹ France 24 › téléwiziye qanili», amérika qoshma ishtatliri pirézidénti donald trampning qarishiche bölgünchi térrorluq teshkilati p k k ning daéshtinmu nachar ikenlikini xewer qildi.

firansiyede chiqidighan «‹ Le Figaro  › géziti», engliyening yawropa ittipaqidin ayrilishi mesiliside kélishim tüzüsh éhtimalliqi toghruluq ümid chirighining yanghanliqini yazdi.

firansiyede chiqidighan «lé mondé géziti» (Le Monde), «musteqilliqni xalaydighan rehberlerning jazalandurulushidin kéyin kataloniyede «erkinlik namayishi» ötküzülgenlikini oqurmenliri bilen ortaqlashti.

ispaniyede chiqidighan «‹ El País › géziti», «kataloniyede yéngi zorawanliq dolquni kötürüldi» serlewhilik xewiride, töwendiki melumatlarni oqurmenlirining diqqitige sundi:

aptomobillargha ot qoyup bérildi, yerlik dölet xewpsizlik küchliri hujumgha uchridi.

ispaniyede chiqidighan «<elmundo> géziti» (El Mundo), «mursiada jennnetin mazarliqqa» serlewhilik xewiride, töwendiki melumatlarni oqurmenlirining diqqitige sundi:

 yéqinqi zaman tarixidiki eng dehshetlik qara yamghur, hemme yaqni qaplap ketken muhit bulghinishi, yéza igilik doriliri we sheherlirish paaliyetliri tonlarche ölük béliqlar we déngiz janliqlirining sahillargha chiqip qéliishini keltürüp chiqardi.