08.10.2019

 türkiye awazi radiyosi: seudi erebistanda chiqidighan «eshsherq elewsat géziti», amérikaning firatning sherqide bölgünchi térrorluq teshkilati p k k gha qarshi herbiy heriket bashlash mesiliside enqerege yéshil chiragh yaqqanliqini, rusiyening herbiy heriketni toghra chüshengenlikini xewer qildi.

qatarda chiqidighan «elraya elqatariyya géziti», türkiye jumhur reisi rejep tayyip erdoghanning, «amérika eskerlirining süriyening shimalidin chékinishke bashlighanliqi» ni éytqanliqini xewer qildi.

liwanda chiqidighan «elmusteqbal géziti», enqerening firatning sherqide her qachan herbiy heriket bashlash mumkinlikini élan qildi.

gérmaniye awazi radiyosi, gérmaniyening bu yilliq qoral-yaragh éksportida, ötken yili (2018) gha sélishturulghanda éshish körülgenlikini, qoral sétilghan döletlerning ichide yemendiki ichki urushqa qatnashqan misir bilen ereb birleshme xelipilikiningmu bolushining diqqet qozghighanliqini élan qildi.

gérmaniyening «tagisshaw.dé» tori (Tagesschau.de), «yoqilish isyani» dégen nam bilen toplanghan kilimat paaliyetchiliri tünügün (7-öktebir) dunya xaraktérlik namayishini bashlighanliqini élan qildi.

ispaniyede chiqidighan «él pais géziti» (El País), ispaniye hökümitining süriyede qapsélip qalghan ispaniyeliklerni döletke qobul qilidighanliqini élan qildi.

wénézuélada chiqidighan «télésur géziti» (Telesur), wénézuéla pirézidénti nikolas maduroning wénézuélagha qarshi zorawanliq pilani toghrisida agahlandurghanliqini xewer qildi.

ispaniyede chiqidighan «él komértiyo géziti» (El Comercio), engliyede neshr qilinidighan bir zhurnalning tetqiqatida, péruning sayahet üchün dunyadiki eng yaxshi döletlerning biri dep körsitilgenlikini xewer qildi.

firansiyede chiqidighan «lé figaro géziti» (Le Figaro), amérika eskerlirining süriyedin chékinmeydighanliqini, belki qaytidin orunlashturulidighanliqini élan qildi.

shiwéytsariyede chiqidighan «lé témps géziti» (Le Temps), amérika pirézidénti trampning süriyede keynige chékiniwatqanliqini xewer qildi.

firansiyede chiqidighan «lé parisiyén géziti» (Le Parisien), firansiyede ottura qatlamgha wekillik qilidighan istémalchilarning kzide jemiyette chetke qéqiliwatqandek hés qilidighanliqini xewer qildi.

rusiyening «lénta.ru» agéntliqi, b d t diki ikki komitétning rusiye wekillirige qoyulghan wiza cheklimisi tüpeylidin xizmetlirini toxtatqanliqini xewer qildi.