chet el metbuatlirida bügün: 26.09.2019

türkiye awazi radiyosi: gérmaniyening «‹Tagesschau.de › xewerler tori», munu uchurlarni oqurmenlirining diqqitige sundi:

Thomas Cook  shirkitining engliyede weyran bolushidin kéyin, hemmining diqqiti gérmaniyege aghduruldi. shirketning gérmaniyediki shöbiliri bolghan  Thomas Cook Neckermann , Öger Tours, Air Marin  we Bucher Reisen  mu weyran bolghanliqlirini uqturdi.

gérmaniyening «‹ Weser-Kurier ›  axbarat orgini», gérmaniyening ukraina kirizisi yüz bergendin buyan kiyéwgha 1.4 milyard yawro yardem qilghanliqini yazdi.

ispaniyede chiqidighan «‹ El País › géziti», «bu layihedin meqset peqet italiyeningla saqliniwatqan mesililirini hel qilish» serlewhilik xewiride, töwendiki melumatlargha orun ajratti:

ispaniye bilen girétsiye parizh bilen bérlin bashlamchiliq qiliwatqan köchmenlerni tarqaqlashturup orunlashturush pilan – layihesige étiraz bildürüwatidu.

ispaniyede chiqidighan «<elmundo> géziti» (El Mundo), munu uchurlarni oqurmenlirining diqqitige sundi:

ispaniye aliy sot mehkimisining frankoning meqberisini yötkeshke alaqidar chiqarghan qararigha sabiq diktatorning newrisi qattiq naraziliq bildürüp mundaq dédi: «ölükler bilen hepilishish peqet qorqunchaqlarningla ishidur.»

ispaniyede chiqidighan «‹ La Vanguardia › géziti» ning xewiride mundaq déyildi:

 kolombiye pirézidénti iwan duku birleshken döletler teshkilatidiki nutiqida, wénézuéla hökümitini ELN  mensubi bolghan térrorchilar we zeher etkeschiliri bilen hemkarliq ornitish bilen eyiblidi.

rusiyening «‹ RIA Novosti› xewer agéntliqi», ukraina pirézidénti wladimir zéléniskining, «rusiye tashqi ishlar ministiri sérgéy lawrow manga men bilen tonushushni xalaydighanliqini, hemde dunbastiki ukrainaning ichki mesilisining hel bolushini ümid qilidighanliqini bildürdi» dégen sözlirini neqil keltürdi.

rusiyening «‹ TASS › agéntliqi » ning xewiride mundaq déyildi: « amérika qoshma ishtatliri pirézidénti donald tramp ukraina pirézidénti wladimir zéléniski bilen élip barghan téléfon söhbitining yazma nusxisini élan qilishqa teyyar ikenlikini jakarlidi.»

rusiyede chiqidighan«‹ Izvestiya› géziti», rusiyening Azur-Air  hawa yolliri shirkitige ait « Boeing 767-300 » namliq ayropilanning barnual ayrodurumigha jiddiy qonushi netijiside yarilanghanlar sanining 56 gha yetkenlikini xewer qildi.

seudi erebistanda ingiliz tilida chiqidighan «‹eshsherqul ewset› géziti», riyad bilen washingtonning seudi erebistangha qoghdash küchi ewetish mesilisi toghruluq söhbet élip barghanliqini yazdi.

firansiyede chiqidighan «‹ Le Figaro  › géziti», engliye bash weziri boris jonsonning parlaméntqa qaytishining sürkilishke seweb bolghanliqini oqurmenliri bilen ortaqlashti.