27.08.2019

 türkiye awazi radiyosi: chilida chiqidighan «latérfira géziti» (La Tercera), biraziliye hökümitining amazon ormanlirigha ketken otni öchürüsh üchün, G7 teripidin bérilidighan 20 milyon dollar yardimini qayturuwétidighanliqini xewer qildi.

ispaniyede chiqidighan «a b s géziti» (ABC), ispaniye hawa armiyesidiki «C-101» tipliq ayropilanlarda 1984-yilidin buyan 10 qétim weqe körülgenlikini xewer qildi.

ispaniyedei chiqidighan «la guardiya géziti» (La Vanguardia), rosaliya (Rosalía) ning m t w (MTV) muzika mukapatigha érishken tunji ispaniyelik senetchi bolup qalghanliqini élan qildi.

 engliye paytexti londonda erebche chiqidighan «elquddus elerebi géziti» (Alquds Al Arabi), türkiye tashqi ishlar ministiri mewlüt chawushoghluning, «isirailiyening meynet oyunliri saylamdin burun yene bashlandi» dégenlikini xewer qildi.

liwanda chiqidighan «elhayat géziti» (Al Hayat), misirning herbiy özgirish bilen textke chiqqan pirézidénti sisi bilen amérika pirézidénti donald trampning, özara hemkarliqlarni téximu chongqurlashturush we térrorluqqa qarshi turush üchün kélishim tüzgenlikini xewer qildi.

seudi erebistanda ingilizche chiqidighan «elsherq elewsat géziti», isirailiyening liwanning ichki qisimlirigha hujumlirini kéngeytiwatqanliqini we pelestinlik bir guruppini nishangha éliwatqanliqini élan qildi.

rusiyening «tas agéntliqi», türkiye jumhur reisi rejep tayyip erdoghan bilen rusiye pirézidénti wladimir putinning moskwada 14-qétimliq « MAKS-2019 »  xelqara awiyatsiye we alem yermenkisini ziyaret qilidighanliqini we uchrishishlarda bolidighanliqini xewer qildi.

gérmaniye awazi radiyosi, awstiriye térrorluq teshkilati daésh ezalirining perzentlirining döletke kélishini qobul qilidighanliqini xewer qildi.

süriyede ölgenliki perez qilinghan awstiriyelik daéshchining musapirlar lagérida turuwatqan perzentlirining wiyénnadiki anilirigha bérilishi qarar qilinghan bolup, bu qarar awstiriye nuqtisidin tunji ish iken.

gérmaniyede chiqidighan «frankfurtér algémayné zeytung géziti», amérika pirézidénti donald trampning iran pirézidénti hesen ruhani bilen toghra sharaitlar astida körüshüsh signalini bergenlikini xewer qildi.

firansiyede chiqidighan «lé figaro géziti» (Le Figaro), isirailiyening irangha yéngi seplerde heywe qiliwatqanliqini élan qildi.

firansiyede chiqidighan «lé mondé géziti», biraziliyening amazan orminidiki otni öchürüsh üchün G7 teklip qilghan yardemni ret qilghanliqini  xewer qildi.

rusiyening « riya nowosti agéntliqi » tori (RİA.Novosti), amérika kéngesh palatasining ezasi jonsonning wiza iltimasining ret qilinghanliqini élan qildi. biraq, rusiyening amérikadiki elchixanisi bu xewerni ret qildi.