چەت ئەل مەتبۇئاتلىرىدا بۈگۈن: 18.07.2019

تۈركىيە ئاۋازى رادىيوسى: لىۋاندا چىقىدىغان «‹ئەلھايات› گېزىتى»، «ئىراقنىڭ ئەربىل شەھىرىدە بىر تۈرك دىپلومات قوراللىق ھۇجۇمغا ئۇچرىدى» سەرلەۋھىلىك خەۋىرىنى ئوقۇرمەنلىرىنىڭ دىققىتىگە سۇندى.

قاتاردا چىقىدىغان «‹ئەررايەل قەتەرىييە› گېزىتى»، جۇمھۇر رەئىس رەجەپ تاييىپ ئەردوغاننىڭ، «<400 – س> باشقۇرۇلىدىغان بومبا مۇداپىئە سىستېمىسىنى ئۇرۇش ئۈچۈن ئەمەس، مىللىي بىخەتەرلىكىمىزنى قوغداش ئۈچۈن ئىشلىتمىز» دېگەن سۆزلىرىنى نەقىل كەلتۈردى.

گېرمانىيەنىڭ «‹ Merkur.de› خەۋەرلەر تورى»، تۈرك دىپلوماتلار بار رېستوراندا قوراللىق ھۇجۇم يۈز بېرىپ،  3 كىشىنىڭ ھاياتىدىن ئايرىلغانلىقىنى خەۋەر قىلدى.

گېرمانىيەنىڭ «‹ Deutsche Welle› خەۋەرلەر تورى»، «ئامېرىكا قوشما ئىشتاتلىرى ئۇرۇش ئايروپىلانلىرىنى تۈركىيەگە سېتىپ بەرمەيدۇ» سەرلەۋھىلىك خەۋىرىنى ئوقۇرمەنلىرى بىلەن ئورتاقلاشتى.

گېرمانىيەنىڭ «‹ Focus.online › خەۋەرلەر تورى»، چەت ئەللىك كۆچمەنلەرنىڭ گېرمانىيەگە كۆچۈشىگە ئەگىشىپ، گېرمانىيە نوپۇسىدا 2018 – يىلى 400 مىڭ ئېشىش كۆرۈلگەنلىكىنى يازدى.

رۇسىيەنىڭ «‹ Lenta.ru › خەۋەرلەر تورى»، دونباس رايونىدا مۇددەتسىز ئۇرۇش توختىتىش كېلىشىمى ھاسىل قىلىنغانلىقىنى ئوقۇرمەنلىرى بىلەن ئورتاقلاشتى.

رۇسىيەنىڭ «‹ TASS › ئاگېنتلىقى » نىڭ خەۋىرىدە، مۇنداق دېيىلدى: «رۇسىيەنىڭ ئامېرىكا قوشما ئىشتاتلىرىدا تۇرۇشلۇق باش ئەلچىسى ئانونوۋنىڭ قارىشىچە، ئامېرىكا رۇسىيەگە قارشى ۋىزا ئۇرۇشى قوزغىغان.»

ئىسپانىيەدە چىقىدىغان «‹ El País › گېزىتى»، «ساقچىلارغا پوئېرتو رىكودىكى نامايىشچىلارنى قولغا ئېلىش توغرۇلۇق يوليورۇق چۈشۈرۈلدى» سەرلەۋھىلىك خەۋىرىنى ئوقۇرمەنلىرى بىلەن ئورتاقلاشتى.

فىرانسىيەدە چىقىدىغان «‹ Le Figaro  › گېزىتى»، ئامېرىكا دۆلەت مەجلىسىنىڭ سەئۇدى ئەرەبىستانغا قورال - ياراغ سېتىپ بېرىشكە توسقۇنلۇق قىلىۋاتقانلىقىنى يازدى.

فىرانسىيەدە چىقىدىغان «< Libération> گېزىتى»، دۆلەت خەۋپسىزلىك كۈچلىرى ئۈستىدىن تەخمىنەن 400 قېتىملىق تەكشۈرۈش ئېلىپ بېرىلغانلىقىنى ئوقۇرمەنلىرىنىڭ دىققىتىگە سۇندى.

فىرانسىيەنىڭ «‹ France 24 › تېلېۋىزىيە قانىلى»، ئېبولا ۋىرۇسى تۈپەيلى «يەر شارى خاراكتېرلىك جىددىي ھالەت» ئېلان قىلىنغانلىقىنى خەۋەر قىلدى.