09.07.2019

türkiye awazi radiyosi: seudi erebistanda inglizche chiqidighan «elsherq elewsat géziti» (Alsharq Alawsat), isirailiye sotining 1996- we 2002-yillirida isirailiyeliklerge qilinghan 17 hujumgha, yasér erafat we merwan bargutini jawabkar dep höküm chiqarghanliqini؛ tölem miqdarini bolsa, kéyinche békitidighanliqini  xewer qildi.

liwanda chiqidighan «el musteqbal géziti» (Al-  Mustakbal) péntagonning teywenge 2.2 milyard dollarliq qoral sétip bérishni testiqlighanliqini élan qildi.

qatarda chiqidighan «elraya el qatariyya géziti», seudi erebistanning weliehdi shahzadisi bin selmanning yemendin chékinish üchün uchrishish ötküzüwatqanliqini xewer qildi.

«züt dayche zeytung géziti» (Süddeutsche Zeitung), jumhur reis rejep tayyip erdoghanning, türkiyening rusiyedin sétiwalghan «S-400» bashqurulidighan bomba sistémilirining türkiyege ewetilish üchün yüklinishke bashlighanliqini xewer qildi.

«frankfurtér algémayné zeytung géziti» (Frankfurter Allgemeine Zeitung), gérmaniyediki milyonérlar sanining %1.1 chüshüp, 1.35 milyongha töwenligenlikini xewer qildi.

gérmaniye awazi radiyosi, b d t doklatigha asaslanghanda, 2017-yili dunyada 50 ming qiz-ayalning ailidiki hemrahliri yaki aile ezaliri teripidin öltürülgenlikini xewer qildi.

b d t zeherlik etkeschilik we jinayet ishxanisi qiteler ara sélishturush élip bérip, eng köp aile ichi zorawanliqi we jinayitining asiya qiteside yüz bergenlikini éniqlighan.

wénézuélada chiqidighan «télésur géziti» (Telesur), wénézuéla heyitining öktichiler bilen söhbet ötküzüsh üchün barbados (Barbados ) qa yétip barghanliqini xewer qildi.

ispaniyede chiqidighan «él mundo géziti» (El Mundo), wénézuéla öktichilirining rehbiri xuen guaydoning tenqidlerge qarimay, pirézidént nikolas maduro bilen körüshüshni qobul qilghanliqini xewer qildi.

ispaniyede chiqidighan «él pais géziti» (El País, İspanya), dunyada teshkillik jinayetlerningmu urushlargha oxshash kishilerning jénigha zamin boluwatqanliqini, latin amérika qitesining %37 lik jinayet nisbiti bilen mezkur mesilide dunyada aldinqi qatarda turidighanliqini xewer qildi.

firansiyede chiqidighan «lé parisiyén géziti» (Le Parisien), xongkongning jiyanetchilerni xitaygha ötküzüp bérishni asanlashturidighan qanun teklip layihesidin waz kechkenlikini xewer qildi.

rusiyening «lénta ru»  xewerler tori (Lenta.ru) giruziye téléwiziye qanilida putinni tillighan riyasetchining xizmitidin élip tashlanghanliqini xewer qildi.