chet el metbuatlirida bügün: 27.06.2019
bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:
türkiye awazi radiyosi: «‹ ALQUDS ALARABI› géziti», munu uchurlarni oqurmenlirining diqqitige sundi: «amérika qoshma ishtatliri palatasi pirézidént trampning irangha qarshi herbiy heriket élip bérishining aldini üchün jüme küni saylam ötküzidu.»
«‹ ALQUDS ALARABI› géziti» ning xewiride, munu uchurlar alahide tekitlendi: «manama xizmet yighinidin kéyin, kuchnér pelestin hökümitining paaliyetlirini muweppeqiyetszi dep qaridi hemde ishikning hazirmu ochuq ikenlikini éytti.»
seudi erebistanning ingiliz tilida chiqidighan «‹eshsherqul ewset› géziti», jumhur reis rejep tayyip erdoghan, «amérika qoshma ishtatliri pirézidénti donald tramp <s – 400> bashqurulidighan bomba sistémisi sewebidin türkiyege émbargo yürgüzidighanliqi toghruluq agahlandurush bermidi» dégen sözlirini neqil keltürdi.
«‹ Tagesschau.de› xewerler tori», «émbargo we urushqa qarimay, gérmaniye shirketliri qoral - yaragh süpitide ishlitilidighan ximiyelik buyumlarni süriyege satti» serlewhilik xewer élan qildi.
«‹ Frankfurter Allgemeine Zeitun› géziti», «pilanliq térrorizm» serlewhilik xewiride, munu uchurlarni oqurmenlirining diqqitige sundi: «< Revolution Chemnitz > ezaliri sot mehkimiside radikal ongchillar pilanlighan hujumlarni solchilargha dönggep qoyush arqiliq ichki urush qozghimaqchi boldi.»
gérmaniyening «‹ Welt› xewerler tori», gérmaniyening shimaliy rén wéastfalya ölkiside hara rayining qattiq issip kétishi sewebidin poyizlarning mulezimet qilalmaydighan ehwalgha chüshüp qalghanliqini yazdi.
firansiyede chiqidighan «‹ Le Parisien › géziti», iranning urush partlighan teqdirde, trampning quruqluq armiye qisimlirini ewetishke éhtiyaji yoqluqini bildürgenlikini oqurmenliri bilen ortaqlashti.
firansiyede chiqidighan «lé mondé géziti» (Le Monde), sughurta shirketlirining sériq jilitkiliklerge 217 milyon yawro tölem töligenlikini yazdi.
ispaniyede chiqidighan «‹ ABC› géziti», «ete hawa rayi téximu issip kétidu» serlewhilik xewiride, munu uchurlarni oqurmenlirining diqqitige sundi:
firansiyede hawa rayining adettin tashqiri derijide issip kétishi sewebidin ölüm hadisilirining otturigha chiqishidin kéyin, ispaniyede agahlandurush bérilgen rayonlarning sani 32 ge yetti.
wénézuélaning «‹ Telesur› téléwiziye qanili», wénézuéla pirézidénti nikolas maduroning öktichiler teripidin kélidighan ikkinchi qétimliq herbiy – siyasiy özgirish urunushining puqralar – herbiyler wénézuéla birliki aldida nishanigha yételmeydighanliqini éytqanliqini oqurmenliri bilen ortaqlashti.
rusiyening «‹ RIA Novosti› xewer agéntliqi», amérika qoshma ishtatliri pirézidénti donald tramp bilen rusiye pirézidénti wiladimir putinning jüme küni chüshtin kéyin saet 2 de osakada chaqirilidighan 20 dölet guruhi bashliqlar yighinida bir yerge jem bolidighanliqini oqurmenlirining diqqitige sundi.
rusiyede chiqidighan«‹ Izvestiya› géziti», ukraina pirézidént mehkimisi teripidin döletning paytextini kiyéwdin bashqa bir sheherge yötkesh teklipi kelgenlikini yazdi.
rusiyening «‹ TASS › agéntliqi », rusiyening buryatiye rayonida « An-24 yolcu » tipliq yoluchilar ayropilanining jiddiy qonushqa mejbur bolghanliqini, bu jeryanda ikki kishining hayatidin ayrilghanliqini xewer qildi.
