18.06.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

18.06.2019

seudi erebistanda chiqidighan « eshsherq elewsat» géziti, misirning sabiq pirézidénti muhemmed mursining tünügün wapat bolup ketkenlikini xewer qildi.

qatarda chiqidighan «erraye elqatariyye» géziti, muhemmed mursining suyiqestke uchrighanliqi toghruluq delil-ispatlar barliqini, xelqara kechürüm teshkilatining weqening tekshürülüshini telep qilghanliqini yazdi.

kuweytte chiqidighan «el weten»géziti, amérika mudapie ministirliqi-péntagonning iranning tehditige qarshi ottura sherq rayonigha 1000 zapas esker ewetkenlikini oqurmenliri bilen ortaqlashti.

«wélt.dé»tor béti munu uchurlargha orun ajratti: «türk < TF-X > yawropadiki eng ilghar küreshchi ayropilani bolidu, amérikaning türkiyeni < F-35 > pirogrammisidin chiqirip tashlash bilen tehdit sélishidin kéyin, türkiye derhal heriket ötüp özi yasap chiqqan küreshchi ayropilanini xelqargha tonushturdi.»

«ard. dé»tor béti munularni xewer qildi: «amérika qoshma ishtatliri ottura sherqqe ming esker ewetti, washingiton hökümiti bilen téhran hökümiti otturisidiki munasiwet jiddiyleshkendin kéyin, washingiton hökümiti <mudapie meqsetlik>ottura sherqqe ming esker ewetti.»

gérmaniyede chiqidighan «sudiyutsché zéytung» (Süddeutsche Zeitung)géziti, gérmaniye döletlik ayallar putbol komandisining afriqada ötküzüliwatqan dunya longqisi musapiside yérim hel qilghuch musabiqige qatnishish salahiyitige érishkenlikini yazdi.

méksikada chiqidighan «el yuniwérsal »géziti, amérika qoshma ishtatliri pirézidénti donald trampning giwatémalaning köchmenler üchün üchinchi bixeter dölet bolushqa teyyarliniwatqanliqini bildürdi.

ispaniyede chiqidighan «el payis»géziti, amérika qoshma ishtatlirining iran tehditige qarshi ottura sherqqe 1000 esker ewetkenlikini yazdi.

méksikada chiqidighan «jornada»géziti, méksika aliy sot mehkimisining zeherlik chékimlik etkeschiler guruhi kattibéshi guzmanni sotlashni 17-iyulgha kéchiktürgenlikini oqurmenliri bilen ortaqlashti.

rusiyediki «riya nowosti»agéntliqi, ukrainaning gérmaniyediki elchisining, gérmaniye siyasetchilirini rusiyeni yaqlash arqiliq ukraina xelqige asiyliq  qilish bilen eyibligenlikini bildürdi.

rusiyediki «tas»agéntliqi, zélénski rusiyege qaritilghan émbargolarning téximu kücheytilishi kéreklikini bildürgenlikini xewer qildi.


خەتكۈچ: amérika , türkiye

مۇناسىۋەتلىك خەۋەرلەر