12.06.2019

bügünki chet el metbuatliridin tallap teyyarlighan qisqiche xewerlirimiz töwendikiche:

12.06.2019

türkiye awazi radiyosi: gérmaniyening «Zdf.de» tor béti, gérmaniye tashqi ishlar ministiri maasning téhrandiki ziyaritide yadro kélishimi mesiliside ilgirilesh hasil qilinalmighanliqini xewer qildi.

seudi erebistanda inglizche chiqidighan «elsherq elewsat géziti» (Alsharq Alawsat), 2015-yili «ayallar» témisida échilghan konféransqa qatnashqandin kéyin, iranda qolgha élinghan liwanliq karxanichi nezar zekkaning qoyup bérilgenlikini  xewer qildi.

qatarda chiqidighan «elraya el qatariyya géziti» (Al-Raya Al-Katariya), seudi erebistanning pelestinliklerni ishlitiwatqan bezi soda-sanaetchilerni tutqun qilghanliqini xewer qildi.

liwanda chiqidighan «elhayat géziti»,  iranning «niyu york taymés géziti» (New York Times) ning muxbirining kénishkisini emeldin qalduruwetkenlikini xewer qildi.

ispaniyede chiqidighan «él pais géziti» (El País), ispaniye hökümitining amérikaning «dadiz» (Cádiz) herbiy bazisidiki mewjutluqini kücheytishige ruxset qilghanliqini xewer qildi.

péruda chiqidighan «él komértiyo géziti» (El Comercio), dominika jumhuriyitige sayahetke kelgen amérikaliq sayahetchilerning sirliq ölümlirining köpiyiwatqanliqini we bir yil ichidila alte amérikaliq sayahetchining ölgenlikini élan qildi.

rusiyening «riya nowosti agéntliqi» (Rus Ria Novosti), toqayéwning qazaqistan pirézidénti bolup resmiy wezipisini bashlighanliqini élan qildi.

rusiyening «izwéstiya géziti» (İzvestiya), rusiye ichki ishlar ministirliqining zeherlik chékimlik jinayiti bilen eyiblinip öyide nezerbend astigha élinghan muxbir iwan golunowni nezerbent qilishni toxtatqanliqini xewer qildi.

rusiyening «tas agéntliqi» (TASS), rusiyeliklerning 12-iyun dölet bayrimini tebrikligenlikini xewer qildi.

  

firansiyede chiqidighan «lé figaro géziti» (Le Figaro ),  makronning G7  yighinidin burun rusiye pirézidénti putin bilen «qaytidin dinamik» shekillendürüshni xalaydighanliqini xewer qildi.



مۇناسىۋەتلىك خەۋەرلەر