11.06.2019

türkiye awazi radiyosi: seudi erebistanda inglizche chiqidighan «elsherq elewsat géziti» (Alsharq Alawsat),  rusiye pirézidénti wladimir putinning öktebir éyida seudi erebistanni ziyaret qilidighanliqini xewer qildi.

qatarda chiqidighan «elraya el qatariyya géziti» (Al-Raya Al-Katariya), seudi erebistan bilen ereb birleshme xelipilikining sudanda yüz bergen qanliq weqelerge arilashqanliqini xewer qildi.

liwanda chiqidighan «elhayat géziti», musulman qérindashlar teshkilatigha yéqinliqi bilen tonulghan el jamae el islamiye teshkilatining mesulliridin  sheyx muhemmed qasim el jarrarning süyiqestke uchrap jénidin ayrilghanliqini xewer qildi.

ispaniyede chiqidighan «lan guardiya géziti» (La Vanguardia), pédro sanchéz (Pedro Sánchez) ning qaytidin wezipisige qaytip kélish üchün, muqimliqni yaki saylamni tallashni meqsitide muzakirelerni bashlighanliqini xewer qildi.

argéntinada chiqidighan «infobay géziti» (Infobae), amérika pirézidénti donald trampning méksikagha yene bir qétim tamozhna béji alidighanliqini éytip tehdit salghanliqini xewer qildi.

wénézuélada chiqidighan «télésur géziti» (Telesur), nikaragua hökümitining yéqinqi mezgillerde testiqlanghan xelqara kechürüm teshkilati qanuni boyiche 50 kishini qoyup bergenlikini xewer qildi.

gérmaniye awazi radiyosi, latin amérikaning gérmaniye shirketlirige dunya miqyasi boyiche eng yaxshi pursetlerni yaritip béridighanliqini xewer qildi.

gérmaniyede chiqidighan «badishé zeytung géziti» (Badische Zeitung), gérmaniye tashqi ishlar ministiri maasning ottura sherq ziyaritide, isirailiye-pelestin kirizisi üchün «ikki döletlik hel qilish charisi» ni tilgha alghanliqini xewer qildi.

yene gérmaniyede chiqidighan «frankfurtér algémayné zeytung géziti» (Frankfurter Allgemeine Zeitung), tashqi ishlar ministiri maasning iran paytexti téhranda tashqi ishlar ministiri zerif bilen körüshkende: «iran bilen yadro mesiliside kélishish, yawropaning bixeterliki üchün intayin muhim» dégenlikini xewer qildi.

firansiyede chiqidighan «lé mondé géziti» (Le Monde ), térrorluq teshkilati daéshqa chétishliq 12 yétimning firansiyege qaytqanliqini we firansiyening mesililerge bolghan pozitsiyesining, her bir weqeni ayrim musteqil halda muzakire qilish sheklide bolidighanliqini xewer qildi.

yene firansiyede chiqidighan «lö baghirizyén géziti» (Le Parisien), pirézidént makronning  2022-yili ötküzülidighan pirézidéntliq saylimida lö pénni özige riqabetchi süpitide körüwatqanliqini xewer qildi.

firansiyede chiqidighan «libighasyon géziti» (Libération ), amazonning dunyadiki eng küchlük markasi bolush süpitide gogulning ornini alidighanliqini xewer qildi.

rusiyening «Gazeta.ru» tor béti, amérikaning xitaygha qarita yürgüzgen émbargosi sewebidin, xuawéy shirkitining androyid (Android) ning ornigha rusiyede yasalghan «awrora» (Avrora) yumtalini ishlitishi mumkinlikini xewer qildi.

rusiyening «Vesti.ru» tor béti, daghistanning maxachqele port shehiride bir néfit aptomobilining partlap ketkenlikini xewer qildi.

rusiyening «régnum agéntliqi» (REGNUM), moldowa démokratik partiyesi bashliqining rusiye muawin bash ministiri bilen körüshkende mexpiy siyasiy teklip sunghanliqini xewer qildi.