07.05.2019

seudi erebistanda chiqidighan «eshsherq elewsat» géziti, amérika pirézidénti donald trampning ghezzeliklerni agahdurghanliqini, lékin uning üch wekilining nétanyahuni ghezzeni bombardiman qilishqa righbetlendürüwatqanliqini yazdi.

ereb birleshme xelipilikide chiqidighan «elémarat elyewm» géziti, donald trampning xitay malliridin élinidighan tamozhna béjini östüridighanliqini jakarlishidin kéyin xelqarada altun bahasining ösüp ketkenlikini oqurmenlirining diqqitige teqdim qildi.

qatarda chiqidighan «erraye elqatariyye» géziti, ereb birleshme xelipiliki, seudi erebistan we misirning qollishigha érishken liwiyelik général hafter liwiyening paytexti tiripolini qedemmu qedem xarabilikke aylanduruwatqanliqini yazdi.

« Welt.de »tor béti,  amérika tashqi ishlar ministiri mayk pompéoning gérmaniyeni ziyaret qilghanliqini xewer qildi.

« FAZ.Net » tor béti, «donald tramp xalisa gérmaniye mashiniliridin élinidighan tamozhna béjini östüridu»serlewhisi astida xewer élan qildi.

ispaniyede chiqidighan «el pays» (El País)géziti, türkiye aliy saylam kéngishi öktichi namzat utup chiqqan istanbul saylimini bikar qilghanliqini yazdi.

« Weser-Kurier.de »tor béti, «gérmaniyede ayallar erlerge qarighanda bekrek ishleydu»serlewhisi astida xewer élan qildi.

ispaniyede chiqidighan «el mundo» (El Mundo)géziti, amérika tashqi ishlar minsitiri mayk pompéyoning munu sözlirige orun ajratti: «nikolas maduro hélihem wénézuélaning pirézidéntidur, lékin u dölitini peqetla bashqurmaywatidu.»

ispaniyede chiqidighan «el konfidéntél» (El Confidencial)géziti, ispaniye tashqi ishlar ministiri josép borrélning wénézuélaliq öktichi rehber liyopoldo lopézning ispaniye elchixanisidin panahliq telep qilmighanliqini éytqanliqini yazdi.

«intirnatsyonal kuriyér» (Courrier international ) qanili, amérikaning xitaygha xitay déngizda duél élan qiliwatqanliqini yazdi.

firansiyede chiqidighan «li mondé» (Le Monde )géziti, hökümetning yéqilghu bahalirini töwenlitishke yéqinlashmighanliqini xewer qildi.