chet el metbuatlirida bügün: 26.02.2019

türkiye awazi radiyosi: seudi erebistanda ingiliz tilida chiqidighan «‹eshsherqul ewset› géziti», süriye rehbiri beshshar esedning iran pirézidénti hesen ruhani bilen téhranda  körüshkenlikini xewer qildi.

liwanda chiqidighan «‹elhayat› géziti»,  iran pirézidénti hesen ruhanining inqilabiy muhapizetchiler armiyesining iqtisadiy ishlargha arilishishini eyibligenlikini oqurmenlirining diqqitige sundi.

behreynde chiqidighan «‹elxelij› géziti» de, iran tashqi ishlar ministiri muhemmed jewad zerifning ammiwi ortaqlishish tor béti Instagram sehipiside, wezipisidin istépa bergenlikini uqturghanliqi eskertildi.

«< Spiegel Online > xewerler tori», türkiyening waqitning ötüshige egiship téximu az gérmaniye puqrasini chégradin qayturushqa bashlighanliqini xewer qildi.

gérmaniyede chiqidighan «‹ Bild › géziti», saqchilarning bilal bin ammarni iz qoghlap tekshürüshi jeryanida, uning dostigha munasiwetlik mexpiy arxip barliqini qolgha chüshürgenlikini yazdi.   

péruda chiqidighan «‹ El Comercio  géziti», birleshken döletler teshkilati xewpsizlik kéngishida bügün wénézuéla mesilisi toghruluq yighin chaqirilidighanliqini xewer qildi.

argéntinada chiqidighan «‹ Todo Noticias › géziti»,  lima guruppisining wénézuélada herbiy mudaxilige qarshi chiqish bilen bir waqitta, wénézuéla  pirézidénti nikolas madurogha qarita  iqtisadiy émbargolarni ikki hesse ashurush toghruluq qarar chiqarghanliqini oqurmenliri bilen ortaqlashti.

ispaniyede chiqidighan «‹ La Vanguardia › géziti», kubaliqlarning yéngi asasiy qanunni % 86.8 awaz bilen qobul qilghanliqini oqurmenlirining diqqitige sundi.

rusiyening «‹ Haberrus › xewerler tori», moskwaning  téléwiziye qanili arqiliq amérika qoshma ishtatlirigha heywe körsitip, rusiyening bashqurulidighan bombilirining 5 minutta 800 kilométirliq musapigha yétip baralaydighanliqini bildürgenlikini xewer qildi.

rusiyening «‹ mk.ru › xewerler tori», yapon déngizida bir rus paraxotida kétiwatqanda partlash yüz bergenlikini oqurmenliri bilen ortaqlashti.

rusiyede chiqidighan «‹ Izvestiya› géziti» de, rusiyening yawropa kéngishidin ayrilish éhtimalliqining barliqini oqurmenlirining diqqitige sundi.

firansiyening «‹ France 24 › téléwiziye qanili» da, watikanning üchinchi derijilik rehbiri gorj pélning balilargha basqunchiliq jinayiti bilen eyiblengenliki xewer qilindi.

firansiyede chiqidighan «lé mondé géziti» (Le Monde), pakistanning hindistan armiyesini keshmir hawa tewelikige tajawuz qilish bilen eyibligenlikini oqurmenliri bilen ortaqlashti.

firansiyede chiqidighan «lé parisiyin géziti» (Le Parisien ) de, mundaq soal otturigha tashlandi:  firansiye pirézidénti émmanuél makron firansiye musabiqisidin kéyin bashqa biri süpitide otturigha chiqarmu?