08.02.2019
bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:
seudi erebistanda ingilizche chiqidighan «elsherq elewsat»géziti, amérika armiyesining israiliyedin «tömür gümbez»namliq mudapie sistémisi sétiwélishni pilanliwatqanliqini xewer qildi.
engliyede erebche chiqidighan «elqudis elerbi»namliq musteqil gézit munu uchurlargha orun ajratti: «seudi erebistan mesullirining qashiqchi jinayitini aldin pilanlighanliqini ispatlap béridighan deliller bar.»
kündilik musteqil ereb siyasiy géziti bolghan el-hayat, «süriyediki amérika eskerlirining chékindürülüshi üchün amérika-türkiye birleshme qisimi qurulidu»serlewhisi astida xewer élan qildi.
firansiyede chiqidighan «li figaro»( Le Figaro) géziti, «firansiye italiyening buzghunchiliq qilmishlirigha qarap turmaydu»serlewhisi astida xewer élan qildi.
shiwétsiyede chiqidighan «lé tépms» ( Le Temps)géziti, « firansiye bilen italiye otturisidiki ixtilap keskinleshmekte»serlewhisi astida xewer élan qildi.
el pays (El País) géziti, munu uchurlargha orun ajratti: «maduroning qollighuchiliri kochilargha chiqip maduroni adaqqiche qollaydighanliqini bildürüshti.»
el mundo (El Mundo) géziti, munularni xewer qildi: «wénézuélada 20 yashliq bir siyasiy mehbus türmide achliqtin ölüp ketti.»
la wangiwardiya (La Vanguardia) géziti, munu uchurlarni oqurmenliri bilen ortaqlashti:«ispaniye bash ministiri pédro sanchéz we öktichi partiye podémosning bashliqi pablo iglésiyas rasxot pilanini muzakire qilish üchün yighin chaqirdi. yighinning asasliq küntertipini öy ijrasi we tok bahasining ösüp kétish mesilisi teshkil qilidu.»
bild géziti, munularni xewer qildi: «gérmaniyening réyinlend paliz wilayitide yüz bergen ot aptiide 5 adem qaza qildi, ot apitining binaning tötinchi qewitidiki bir öyning ashxanisigha ot kétishi seweblik kélip chiqqanliqi bildürüldi. »
gérmaniye awazi munularni oqurmenliri bilen ortaqlashti: «b d t doklatchisi agnés kallamard qashiqchi jinayiti toghruluq mundaq bayanat berdi: seudi erebistan türkiyege tosalghu boldi, jemal qashiqchi seudi erebistan hökümiti teripidin öltürüldi, türkiyening bu déloni tekshürüshige seudi erebistan zor tosalghu peyda qildi.»
gérmaniyediki tor béti « T-online » munularni xewer qildi: «gérmaniye pirézidénti frank waltér stéyinméyér, tehdit xéti tapshuruwalghan türk adwokat seda bashay yildiz bilen körüshti.»
rusiyede chiqidighan « kommérsent» géziti, «shimaliy éqim-2 namliq layihe yawropani ikkige bölüwetti»serlewhisi astida xewer élan qildi.
rusiyede chiqidighan «izwéstiya» (İzvestiya) géziti munularni oqurmenliri bilen ortaqlashti: «yaponiyelik bir emeldar, bir parlamént ezasining <kuril arallirining heqqiy igiliri kim>dégen soaligha, rusiye bilen yaponiye otturisida bu aral toghruluq ötküzüliwatqan söhbetlerge tesir körsitidighanliqini bildürüp jawab bermidi.»
rusiyediki lénta xewer tor béti, «skripal délosida yéngi gumandarlar otturigha chiqti»serlewhisi astida xewer élan qildi.
