chet el metbuatlirida bu hepte: 10.01.2018

türkiye awazi radiyosi: sérbiyede chiqidighan «‹ Blic› géziti», «erdoghan parizhda türkiyening yawropa ittipaqining enqereni ezaliqqa qobul qilishini kütüshtin zérikkenlikini éytti» serlewhilik xewiride, töwendiki melumatlargha orun ajratti:

jumhur reis rejep tayyip erdoghan parizhda türkiyening yawropa ittipaqining enqereni ezaliqqa qobul qilishini kütüshtin zérikkenlikini éytti. firansiyede bir künlük ziyarette bolghan erdoghan makron bilen ötküzgen qoshma axbarat élan qilish yighinida, enqerening axirghiche yawropa ittipaqigha eza bolushni kütmeydighanliqini tekitlep mundaq dédi: «biz 1963 – yili tunji qedem tashlighan iduq, aridin 54 yil ötken bolsimu, tolimu epsuski, türkiye téxiche yawropa ittipaqining ishiki aldida eza bolushni kütmekte, bizmu, dölitimizmu buningdin tolimu zériktuq.»

gérmaniyening «‹ DPA › xewer agéntliqi», «gabriél gérmaniyening türkiye bilen bolghan istiratégiyelik diyalog heqqide qayta söhbet élip bérish lazimliqini éytti» serlewhilik xewiride, töwendiki uchurlarni oqurmenliri bilen ortaqlashti:

gérmaniye tashqi ishlar ministiri sigmar gabriél bilen türkiye tashqi ishlar ministiri mewlüt chawushoghlu bérlin – enqere otturisidiki hemkarliqni kücheytishni ümid qilidighanliqlirini bildürdi. chawushoghluning goslar ziyaritide chawushoghlu bilen gabriél iqtisad ishliri ministirlirigha gérmaniye – türkiye iqtisadiy ishlar komitétining aridin uzun waqit ötkendin kéyin qaytidin bir yerge jem bolushni tewsiye qildi. buningdin bashqa yene, gabriél  tashqi ishlar ministirliri sewiyeside istiratégiyelik hemrahliq heqqide qayta söhbet élip bérishni xalaydighanliqlirini tekitlidi.

amérikining türk tilida xewer tarqitidighan intérnét tor béti: «pénsilwaniyening arqisida amérika bar» serlewhilik xewiride, töwendiki uchurlarni oqurmenliri bilen ortaqlashti:

jumhur reis rejep tayyip erdoghan firansiye ziyaritini axirlashturup türkiyege qaytishida ayropilanda axbarat wasitilirining soallirigha jawab bergende, washington hökümitining fethullahchi térrorluq teshkilatining kattibéshi fethullah gülen mesiliside qedem tashlimasliqini tenqid qilip mundaq dédi: «pénsilwaniyening arqisida amérika qoshma ishtatliri bar. fethullahchi térrorluq teshkilatining kattibéshini amérikida béqip, uninggha 400 dönümlük zéminni bergen amérika tolimu epsuski, bir qedemmu tashlighini yoq, emma biz bu heqte dawamliq qedem tashlaymiz.»

gérmaniyening «‹ DW › xewer tori», «türkiyelik we gérmaniyelik ministirlardin ijabiy signal» serlewhilik xewiride, töwendiki melumatlarni oqurmenliri bilen ortaqlashti:

tashqi ishlar ministiri mewlüt chawushoghlu gérmaniyege qilghan bir künlük ziyaritining nahayiti muweppeqiyetlik ötkenlikini, ziyaret munasiwiti bilen ikki terep munasiwetliri, rayonluq mesililer heqqide söhbet élip bérish pursitige érishkenliklirini eskertti hemde türkiye bilen – gérmaniyening bezi mesililerde oxshash qarashqa ige emeslikini tekitlep mundaq dédi: «bezi mesililerde qismen ixtilaplar otturigha chiqti, hetta munasiwetlirimiz yirikliship ketti, biraq biz qiyin ötkeldin diyalog arqiliq öteleydighanliqimizgha ishenduq. jümlidin munasiwetlirimizni özara chüshinish, diyalog we semimiy hemkarliq asasida tereqqiy qilduralaydighanliqimizgha ishinimiz.»