اٹلی میں پن بگلی گھر میں دھماکے سے ہلاکتوں کی تعداد میں اضافہ

اٹلی میں 9 اپریل کو سویانا جھیل پر واقع برگی ہائیڈرو الیکٹرک پاور پلانٹ میں ہونے والے دھماکے میں ہلاکتوں کی تعداد 6 ہو گئی۔

توسکانہ اور ایمیلیا روماگنہ علاقوں کے درمیان واقع سوویانا جھیل پر توانائی کمپنی Enel کی ملکیت باگی  پن بجلی گھر میں ہونے والے دھماکے میں ہلاکتوں کی تعداد میں اضافہ ہوا ہے۔

اطالوی رائے نیوز 24  چینل کی خبر کے مطابق، غوطہ خوروں نے زیر زمین  9ویں منزل پر  پاور پلانٹ کے زیرِ آب حصے اور جھیل میں تلاش کرنے والے 4 لاپتہ افراد میں سے 3 کی لاشیں برآمد کیں۔ اس طرح اسدھماکے  میں مرنے والوں کی تعداد 6 ہو گئی۔

بتایا گیا کہ آخری لاپتہ شخص کی تلاش جاری ہے اور امیدیں بتدریج کم ہو رہی ہیں۔

بتایا گیا کہ پاور پلانٹ میں ہونے والے دھماکے کے حوالے سے بولونیا کے اٹارنی جنرل  کے دفتر کی طرف سے تحقیقات کے دائرہ کار میں تفتیش  جاری ہے۔

واضح رہے کہ پاور پلانٹ کی مالک اینیل کمپنی نے جاں بحق اور زخمیوں کے اہل خانہ کو نفسیاتی مدد فراہم کرنا شروع کر دی ہے۔

دوسری جانب ملک میں کام کے حادثات میں مزدوروں کی ہلاکت پر گزشتہ روز عام ہڑتال کرکے احتجاج کیا گیا۔ بولونیا شہر میں برگی ہائیڈرو الیکٹرک پاور پلانٹ میں دھماکے میں کم از کم 6  محنت کشوں کی ہلاکت کے خلاف احتجاجی مارچ کیا گیا۔

لیبر یونین کے نمائندوں نے دعویٰ کیا تھا کہ پاور پلانٹ میں مرنے والے ذیلی کنٹریکٹ ورکر تھے، لیکن اینیل کمپنی نے اسے قبول نہیں کیا۔