بیلگورود پر حملہ دہشتگردی تھا،سزا ملےگی: پوٹن

روس کے صدر ولادیمیر پوٹن نے 30 دسمبر کو ان کے ملک کے شہر بیلگورود پر ہونے والے حملے کو دہشت گردی کی کارروائی قرار دیتے ہوئے کہا کہ ایسے جرائم کی سزا  دی جائے گی۔

کریملن پیلس کی طرف سے جاری کردہ بیان کے مطابق پوٹن نے novo ogaryovo  کی صدارتی رہائش گاہ پر یوکرین میں خصوصی فوجی آپریشن میں حصہ لینے والے فوجیوں سے ملاقات کی۔

پوٹن نے وِش نیوسکی ملٹری کلینیکل ہسپتال کا بھی دورہ کیا جہاں جنگ میں زخمی ہونے والے فوجیوں کا علاج کیا  جا رہا ہے۔

 اپنی تقریر میں پوٹن نے یاد دلایا کہ 30 دسمبر کو بیلگورود شہر پر حملہ ہوا تھا وہ یقیناً دہشت گردی کی کارروائی ہے،یہ شہری آبادی کے خلاف حملہ ہے۔

انھوں نے کہا کہ  یوکرین میں فوجی عناصر کے خلاف انتہائی درست ہتھیاروں سے حملے کیے ہیں  اورہم اس طرح کے حملوں میں اضافہ کریں گے۔

پوٹن نے کہا کہ مغرب یوکرین کو فوجی مدد فراہم کرتا ہے وہ  یوکرینیوں کے ہاتھوں اپنے مسائل خود حل کر رہے ہیں صدیوں سے ایسا ہمیشہ ہوتا رہا ہے اور اب ہو رہا ہے، یوکرین خود ہمارا دشمن نہیں ہے جو لوگ روس کو تباہ اور سٹریٹجک طور پر شکست دینا چاہتے ہیں وہ مغرب میں ہیں۔

پوٹن نے اس بات پر زور دیتے ہوئے کہا  کہ مغرب نے یہ مسئلہ پیدا کیا ہے اور وہ یوکرین کے ذریعے روس سے لڑ رہا ہے، اگرچہ ان کا مقصد صدیوں سے روس کو تباہ کرنا ہے، لیکن ہم انہیں تیزی سے تباہ کر دیں گے،اس مسئلے کا  حل یوکرین نہیں ہے بلکہ وہ جو تباہ کرنے کی کوشش کر رہے ہیں لیکن وہ یقینی طور پر ایسا نہیں کر پائیں گے۔

پوٹن نے کہا کہ وہ روس کی شرائط پر تنازعہ کو جلد از جلد ختم کرنا چاہتے ہیں ،ہم ہمیشہ کے لیے لڑنے کا ارادہ نہیں رکھتے لیکن ہم اپنی پوزیشنز ان کے  حوالے نہیں  کر سکتے۔