پسٹوریئس۔آسٹن ملاقات: ہم یوکرین کی مدد جاری رکھیں گے

جرمنی کے وزیر دفاع بورس پسٹوریئس اور امریکہ کے وزیر دفاع لائڈ آسٹن  نے کہا ہے کہ ہم یوکرین کی حمایت جاری رکھیں گے۔

پسٹوریئس نے آج وفاقی اسمبلی میں حلف اٹھا کر فرائض کا آغاز کر دیا ہے۔ تقریبِ حلف برداری کے بعد انہوں نے وزارت دفاع میں اپنے امریکی ہم منصب آسٹن کے ساتھ ملاقات کی۔

مذاکرات سے قبل جاری کردہ بیان میں   پسٹوریئس نے کہا ہے کہ امریکہ، ماضی کی طرح آج بھی جرمنی کا اہم ترین اتحادی ہے۔ روس کے صدر ولادی میر پوتن کی یوکرین کے خلاف شروع کی گئی جنگ نے نیٹو کو خود کو سُبک رفتار  اتحاد ثابت کرنے کا موقع فراہم کیا ہے۔

وزیر دفاع پسٹوریئس نے کہا ہے کہ مشترکہ اقدار، حکمت عملی اور ذمہ داریوں پر مبنی بنیاد کا حامل ہونے کی وجہ سے نیٹو کا شکریہ ادا کیا اور کہا ہے کہ ماضی میں بھی اور موجودہ دور میں بھی جرمنی اور امریکہ شانہ بشانہ آگے بڑھ رہے ہیں۔

جرمنی کے یوکرین کو ہوٹزر، گیپارڈ اینٹی ایئر کرافٹ  ٹینک اور ایریس۔ٹی فضائی دفاعی سسٹم دینے کی طرف اشارہ کیا اور کہا ہے کہ ہم مستقبل میں بھی، اپنے اتحادیوں کے ساتھ مل کر، یوکرین کی آزادی، زمینی سالمیت اور خودمختاری کی جدوجہد کے ساتھ تعاون کرتے رہیں گے"۔

امریکہ کے وزیر دفاع لائڈ آسٹن نے بھی نئے فرائض منصبی کی وجہ سے مبارکباد پیش کی اور کہا ہے کہ سلامتی کے معاملے میں یورپ اور دنیا مدّجذر کے دور سے گزر رہی ہے۔ اس دور میں جرمنی امریکہ کے ساتھ مشترکہ اقدار کے حامل بہترین اتحادیوں میں سے ایک ہے۔

آسٹن نے یوکرین کے ساتھ اور نیٹو کے مشرقی وِنگ کی مضبوطی کے لئے فراہم کردہ تعاون پر جرمن حکومت کا شکریہ ادا کیا ہے۔

وزیر دفاع لائڈ آسٹن نے کہا ہے کہ ہم،  یوکرین کو، اپنے دفاع  کے لئے، مدد فراہم کرنا جاری رکھیں گے۔