یورپی یونین  اپنے دفاع  کی  ضرورت پوری کرنے  کی  صلاحیتیں  نہیں رکھتا: بوریل

یورپی یونین (EU) کے خارجہ تعلقات اور سیکورٹی پالیسی کے اعلی نمائندے جوزپ بوریل نے کہا کہ یورپی یونین  اپنے دفاع  کی  ضرورت پوری کرنے  کی  صلاحیتیں  نہیں رکھتا ہے۔

یورپین ڈیفنس ایجنسی (EDA) کی سالانہ کانفرنس سے خطاب کرتے ہوئے بوریل نے کہا کہ یوکرین میں جنگ یورپی یونین کے لیے "خواب سے اٹھ کھڑا ہونے کا الارم ہے۔

بوریل نے کہا کہ ہم نے محسوس کیا کہ ہمارا فوجی اسٹاک تیزی سے ختم ہو رہا ہے کیونکہ ہم نے گزشتہ برسوں میں دفاع میں کم سرمایہ کاری کی تھی۔ ہم نے یوکرین کو جو امداد فراہم کی تھی اس کی وجہ سے ہمارے اسٹاک تیزی سے ختم ہو رہے  ہیں ۔ ہمیں یہ بھی احساس ہوا کہ ہمارے پاس دفاع کی اہم صلاحیتیں نہیں ہیں۔ ہمارے پاس وہ صلاحیتیں نہیں ہیں جن کی ہمیں اپنے دفاع کے لیے ضرورت ہے۔

انہوں نے کہا کہ  یورپی یونین رکن ممالک کے ذخیرے کو کو پورا کرنے  کے لیے  ہتھیاروں اور گولہ بارود کی پیداوار میں اضافے کے لیے مالی اعانت فراہم کرنے کے لیے تیار ہے۔

انہوں نے کہا کہ ہمیں دفاعی صنعت کی پیداواری صلاحیت بڑھانے میں مدد کرنے کی ضرورت ہے۔

ای ڈی اے کی سالانہ رپورٹ میں کہا گیا ہے کہ 2021 میں پہلی بار یورپی یونین کے ممالک کے دفاعی اخراجات 200 بلین یورو سے تجاوز کر کے 214 بلین یورو تک پہنچ گئے ہیں ، رکن ممالک کے مشترکہ خریداری کے اخراجات  میں اگرچہ اضافہ ہوا ہے لیکن یہ پھر بھی  اپنے ہدف سے نیچے ہے۔