سابق برطانوی وزیراعظم بورس جانسن کنزرویٹو پارٹی کی قیادت اور وزارت عظمیٰ کی دوڑ سے دستبردار

برطانیہ میں  20 اکتوبر کو لِز ٹرس کے مستعفی ہونے کے بعد  پیدا ہونے والی صورت حال  پر  سابق برطانوی وزرائے اعظم میں سے  بورس جانسن، کنزرویٹو پارٹی کی قیادت اور وزارت عظمیٰ کی دوڑ سے دستبردار ہو گئے ۔

اپنے تحریری بیان میں بورس جانسن نے کہا کہ وہ ان لوگوں کی تعداد سے حیران ہیں جنہوں نے مشورہ دیا کہ انہیں ایک بار پھر پارٹی قیادت کے لیے عوام کے درمیان اور پارلیمنٹ میں اپنے دوستوں اور ساتھیوں کے درمیان مقابلہ کرنا چاہیے۔

انہوں نے کہا کہ  وہ یقین رکھتے ہیں کہ وہ 2024 میں کنزرویٹو پارٹی کی جیت میں ااپنا کردار ادا کرسکتے ہیں ۔  جانسن نے کہا کہ انہیں 102 اراکین پارلیمنٹ کی  اکثریت حاصل ہے  جو  پارٹی قیادت کے لیے انتخاب لڑنے کے لیے ضروری  ہے ۔

اگرچہ جانسن نے کہا کہ وہ اس صورت حال میں نامزد کر سکتے ہیں اور ان کے پاس کامیابی کا زیادہ امکان ہے،"تاہم، میں حال ہی میں اس نتیجے پر پہنچا ہوں  جب تک  پارلیمنٹ میں  آپ کی جماعت متحد نہیں ہے  ، آپ اس وقت تک مؤثر طریقے سے حکومت نہیں کر سکتے ۔

انہوں نے  رشی سنک اور پینی مورڈانٹ سے ملاقات کرنے سے آگاہ کرتے ہوئے کہا کہ انہوں نے   باضابطہ طور پر پارٹی قیادت کے لیے اپنی امیدواری کا اعلان کیاہے ۔

 بورس جانسن نے مزید کہا کہ میں امید کر رہا تھا کہ ہم قومی مفاد کے لیے اکٹھے ہو سکتے ہیں لیکن بدقسمتی سے ہمیں ایسا کرنے کا کوئی راستہ نہیں مل سکا۔ اس لیے، مجھے ڈر ہے کہ میرے لیے بہتر یہی ہے کہ میں اپنی امیدواری سے دستبردار  ہو جاوں  اور دوسروے امیدواروں  کی راہ ہموار کردوں۔  کو آگے نہ بڑھنے دوں اور جو کامیاب ہو اس کو اپنا تعاون دوں۔