پوتن کا جزوی طور پر متحرک ہونے کا فیصلہ "گھبراہٹ میں لیا گیا ایک غلط فیصلہ" تھا، جرمن چانسلر

جرمن چانسلر اولاف شولز نے کہا کہ روسی صدر ولادیمیر پوتن کا جزوی طور پر متحرک ہونے کا فیصلہ "گھبراہٹ میں لیا گیا ایک غلط فیصلہ" تھا۔

جرمن میڈیا کو دیے گئے ایک بیان میں اولاف شولز نے پوتن کے جزوی طور پر متحرک ہونے کے فیصلے کا حوالہ دیتے ہوئے کہا، "یہ مشرقی یوکرین میں روسی مسلح افواج کی ناکامیوں پر کسی حد تک گھبراہٹ کا ردعمل ہے۔ یہ صورت حال روس میں نمایاں طور پر بے چینی پیدا کر رہی ہے، پوتن  اوپر  تلے  غلطی پر غلطی کر رہے ہیں۔"

یوکیرین کے خلاف جنگ چھیڑنے کے جواز میں روس  پر عائد کردہ پابندیوں کا دفاع کرنے والے شولز نے بتایا کہ  یہ پابندیاں حد درجے  موثر ہیں، جن کا مقصد  حکومتِ روس کی مہم کے مکمل طور پر  ذی فہم نہ ہونے کا اندازہ کرانا تھا۔  ولا دیمر پوتن اپنی فوجوں کا انخلا کرنے  کے بعد کیف کے ساتھ مذاکرات  پر توجہ مرکوز کرتے ہوئے اس جنگ کا  فی الفور خاتمہ کر سکتے ہیں۔

یوکرین کی صورت حال بہت متحرک  ہونے اور  مسلسل اس کا  جائزہ لینے  کا ذکر کرتے  ہوئے جرمن  چانسلر نے کہا کہ "ہم  نے جو ہتھیار یوکرین کو فراہم کیے ہیں وہ بہت موثر ہیں۔ تاہم بعض ناقدین ایسی تنقید کرتے ہیں کہ جیسے ہم صرف ہیلمٹ  بھیج رہے  ہیں۔ "