ترکی اور سربیا کے درمیان سیاحت کے لئے شناختی کارڈ کافی ہو گا

سربیا اور ترکی کے شہری صرف  شناختی کارڈ کے ساتھ  ایک دوسرے کے ملک میں آ جا سکیں گے۔

سربیا حکومت نے جاری کردہ بیان میں کہا ہے کہ دونوں ممالک کے درمیان تعلقات کے فروغ  کے لئے طے کئے گئے اس  سمجھوتے کی رُو سے اب کے بعد ترکی اور سربیا کے شہری  صرف اپنے ملک کے شناختی کارڈ کی مدد سے ایک دوسرے کے ملک میں داخلہ و خروج کر سکیں گے۔

بیان میں کہا گیا ہے کہ یہ سمجھوتہ دونوں ممالک کی اقتصادیات پر بھی مثبت اثرات مرتب کرے گا  اور دو طرفہ شکل میں سیاحوں کی تعداد میں بھی اضافہ ہو گا ۔

بلغراد میں ترکی کے سفیر حامی آق سوئے نے کہا ہے کہ سربیا حکومت کے اس فیصلے کے بعد جلد ہی  شناختی کارڈ کے ساتھ سیاحت کے آغاز کے لئے بھی فریقین کے درمیان پروٹوکول طے پا جائے گا۔