انگلینڈ: طیارے میں دھماکہ اور آگ

انگلینڈ سے پرتگال کے لئے عازمِ سفر مسافر بردار طیارے میں دھماکہ ہوا اور آگ بھڑک اٹھی۔

اطلاع کے مطابق پرواز نمبر FR4052 کے ساتھ ریانائر ائیر لائنز کا بوئنگ 737-8AS طیارہ انگلینڈ کے شہر مانچسٹر سے پرتگال کے لئے روانہ ہوا۔ پرواز کے اختتام سے ایک گھنٹہ قبل طیارے کے اندر دھماکہ ہوا اور آگ بھڑک اٹھی۔

پائلٹوں نے طیارے کی بلندی کو 7 منٹ میں 12 ہزار 500 میٹر سے گِرا کر 2 ہزار میٹر کر دیا۔

طیارے نے شمالی فرانس کے شہر برسٹ میں ہنگامی لینڈنگ کی۔ یہاں فائر بریگیڈ اور پولیس گاڑیوں نے طیارے کے لئے ضروری کاروائیوں کا آغاز کر دیا۔

مسافروں کو فوری طور پر طیارے سے نکال لیا گیا۔ کووِڈ۔19 کی وجہ سے فرانس کی انگلینڈ کے لئے سخت قرنطینہ پابندیوں کے باوجود مسافروں کو قلیل مدت میں دوسرے طیارے پر سوار کر کے پرتگال روانہ کر دیا گیا۔