لاک ڈاؤن سے قبل پیرس سے عوام کا فرار

فرانس میں کورونا وائرس کے  پھیلاؤ میں تیزی آنے کے بعد آج سے نافذ العمل لاک ڈاؤن پر دارالحکومت پیرس سے دوسرے  مقامات  کو نقل مکانی   کرنے کے خواہاں شہریوں نے ٹریفک کو مکمل طور پر لاک کر دیا۔

ہزاروں کی تعداد میں پیرس کے مکین کل شام سے دوسرے مقامات کو جانے کی کوشش میں ہیں جس کے باعث الے دی فرانس علاقے میں 700 کلو میٹر طویل گاڑیوں کی قطار بن گئی۔

فرانسیسی میڈیا  کے مطابق  پیرس کے مکینوں کی اکثریت تنہائی  میں وقت گزارنے کے عمل کو تنگ  فلیٹوں کے بجائے نواحی علاقوں میں قیام   کو ترجیح دے رہی ہے۔

حکومتِ فرانس نے لاک ڈاؤن کے 4 ہفتوں تک جاری رہنے کی اطلاع دی تھی۔