آذری فوج نے مزید تین دیہاتوں اور سٹریٹیجک چوٹیوں کو اپنے کنٹرول میں لے لیا
’’آج ہماری بہادر فوج نے تین دیہاتوں کو نجات دلائی ہے، فوج کے کامیاب آپریشنز جاری ہیں۔قاراباغ ، آذربائیجان کا حصہ ہے۔ ‘‘ الہام علی یف
آذری فوج کے مقبوضہ علاقوں کو نجات دلانے کے لیے شروع کردہ آپریشن میں جبریل کے مزید تین دیہاتوں اور بعض سٹریٹیجک پہاڑیوں کا کنٹرول سنبھال لیا گیا ہے۔
کل رات بھر جاری رہنے والی جھڑپیں جبریل کی جانب زور پکڑ گئیں اور آذری فوج نے شہالی آغالی، سارے جالی اور مزرے دیہاتوں کو قبضے سے نجات دلا دی۔
آذری فوجیوں نے فرنٹ لائن کے مختلف مقامات پر بعض سٹریٹیجک پہاڑیوں کو بھی آرمینی قوتوں سے پاک کر لیا۔
صدر الہام علی یف نے اپنی ٹویٹ میں لکھا ہے کہ ’’آج ہماری بہادر فوج نے تین دیہاتوں کو نجات دلائی ہے، فوج کے کامیاب آپریشنز جاری ہیں۔قاراباغ ، آذربائیجان کا حصہ ہے۔ ‘‘
اس ملک کے فوجی دستوں نے آرمینی فوج کے 4 گریڈ میزائل نظام اور تین ٹینک تباہ کر دیے، دوسری جانب آرمینی فوج نے شہری بستیوں پر بھاری اسلحہ سے فائرنگ کی۔
ملک کے دوسرے بڑے شہر گینجے کی تحصیلوں اور بعض دیہاتوں پر توپ کے گولے برسائے گئے۔
بردے اور آعدام میں دو شہری ان حملوں میں اپنی جانوں سے ہاتھ دھو بیٹھے۔
دوسری جانب امریکی وزیر خارجہ مائیک پومپیو، روسی وزیر خارجہ سرگئی لاوروف اور فرانسیسی وزیر خارجہ نے ایک مشترکہ اعلامیہ جاری کرتے ہوئے جھڑپوں کے خاتمے کی اپیل کی ہے۔