اٹلی: 25 ہزار سے زائد افراد کی شرکت سے احتجاجی مظاہرہ

اٹلی میں بڑھتی ہوئی  نسلیت پرستی، غیر ملکیوں کے خلاف دشمنی ، جنسیت پرستی، امتیازیت ، اینٹی صیہونیت اور حکومت کی مہاجر پالیسیوں کے خلاف 25 ہزار سے زائد افراد نے احتجاجی مظاہرہ کیا۔

صفر ٹالرینس نامی اس احتجاجی مظاہرے کے منتظمین کے مطابق مظاہرے میں حکومتی پالیسیوں  کی وجہ سے شدت اختیار کرنے والی نسلیت پرستی  اور نفرت  انگیز  ماحول کے خلاف احتجاج کیا گیا۔

مظاہرے میں سرخ لباس میں ملبوس ہزاروں افراد نے شرکت کی جن میں  مہاجرین بھی شامل تھے۔

اٹلی میں بھی نئی حکومت  کے آغاز سے مہاجرین کے  لئے سرحدیں بند کرنے کی پالیسی شروع ہونے کے خلاف  کئے گئے اس مظاہرے میں مظاہرین نے "دیواریں گراو" اور "جنگیں روکو مہاجرین کو نہیں" کے نعرے لگائے۔

ملک میں حالیہ 6 ماہ  کے دوران 60 سے زائد نسلیت پرستی اور غیر ملکیوں کے خلاف دشمنی  پر مبنی تشدد کے واقعات  کے مقابل شعور کی بیداری کے لئے مظاہرین نے "انسان کی صرف ایک  نسل  ہے" کی تحریر والے پلے کارڈ اٹھا رکھے تھے۔