جرمنی: خفیہ ایجنسی کے سربراہ عہدے سے بر طرف
برلن حکومت کے مطابق کیمنٹس میں دائیں بازو کے انتہا پسندوں کے مظاہرے کے بارے میں دیے گئے ایک بیان کی وجہ سے ماسن کو برطرف کیا گیا ہے
1052172
جرمن خفیہ ایجنسی کے سربراہ ہانس گیورگ ماسن کو ان کے عہدے سے ہٹا دیا گیا ہے۔
گزشتہ روز برلن حکومت نے بتایا ہے کہ کیمنٹس میں دائیں بازو کے انتہا پسندوں کے مظاہرے کے بارے میں دیے گئے ایک بیان کی وجہ سے ماسن کو برطرف کیا گیا ہے۔
ماسن نے جرمن چانسلر انگیلا مرکل کے بیان کے برعکس کہا تھا کہ کیمنٹس میں دائیں بازو کے انتہا پسندوں نے کسی غیر ملکی کا تعاقب نہیں کیا تھا۔
انہوں نے اس حوالے سے منظر عام پر آنے والی ایک ویڈیو کو جعلی قرار دے دیا تھا تاہم بعد ازاں انہوں نے یہ بیانات واپس لے لیے تھے۔