برطانیہ کی پولیس نے لندن حملے میں ملوث ایک اور مشتبہ کو حراست میں لے لیا

برطانیہ کی پولیس نے لندن میں ایک میٹرو اسٹیشن پر کئے جانے والےا ور 30 افراد کے زخمی ہونے کا سبب بننے والے حملے سے منسلک  دوسرے مشتبہ شخص کو حراست میں لے لیا ہے۔

پولیس کی طرف سے جاری کردہ بیان کے مطابق دوسرے مشتبہ شخص کو لندن کے مغربی علاقے ہونسلو میں کل رات دہشت گردی کے قانون  کی 41 ویں شق  کی رُو  سے حراست میں لیا گیا ہے۔

اکیس سالہ مشتبہ شخص کو لندن کے جنوبی پولیس تھانے میں حراست میں رکھا گیا ہے۔

واضح رہے کہ لندن پولیس نے اس سے قبل 18 سالہ ایک اور مشتبہ کو حراست میں لیا تھا۔