بلجیم میں خطرے کے درجے کو تین سے بڑھا کر چار کردیا گیا

بلجیم کے دارالحکومت برسلز میں ہونے والے دو دھماکوں کے بعد ملک میں دہشت گردی کا خطرہ بلند ترین سطح پر کر دیا گیا ہے اور عوام کو بھی اپنے تحفظ کے لیے خود اقدامات کرنے اور فوری طور پر کسی مشتبہ افراد اور واقعے سے خبردار ہونے کی صورت میں سیکورٹی حکام کوآگاہ کرنے کی اپیل کی گئی ہے۔

خبر رساں ادارے اے ایف پی کے مطابق خطرے کا درجہ تین سے بڑھا کر چار کر دیا گیا ہے جو بلند ترین درجہ ہے۔

برسلز میں پہلے آج صبح مقامی وقت کے مطابق قریب آٹھ بجے ایئرپورٹ میں دو دھماکے ہوئے جبکہ اس کے قریب ڈیڑھ گھنٹے بعد ایک میٹرو اسٹیشن پر ایک دھماکا ہوا ہے۔

ملک بھر میں سیکورٹی فورسز کو حالات کا جائزہ لینے اور فوری طور پر اقدامات کرنے کے اختیارا سونپ دیے گئے ہیں۔