ترک صدر کی آذربائیجانی صدر سے ٹیلی فونک بات چیت

صدر رجب طیب ایردوان نے آذربائیجان کے صدر الہام علی یف سے فون پر بات کی۔

ایوان صدر کےمحکمہ اطلاعات کے جاری کردہ بیان کے مطابق  اس بات چیت میں ترکیہ اور آذربائیجان تعلقات، علاقائی اور عالمی پیش رفت پر تبادلہ خیال کیا گیا۔

اس دوران صدر ایردوان نے آذربائیجان اور آرمینیا کے درمیان امن عمل کی مثبت پیش رفت پر اطمینان کا اظہار کرتے ہوئے کہا کہ ترکیہ اس عمل کا  قریبی طور پر جائزہ لےرہا ہے۔

ایردوان نے اس بات پر زور دیا کہ خطے میں منصفانہ اور دیرپا امن آذربائیجان، آرمینیا اور دیگر علاقائی ممالک کے لیے ایک نئی  فضا قائم کرے گا۔