صدر ایردوان کا صدر صدر آصف علی زرداری کوپاکستان کا صدر منتخب ہونے پرمبارکباد کا پیغام

صدر رجب طیب ایردوان نے پاکستان کے صدر صدر آصف علی زرداری کو بطور صدر منتخب ہونے پر مبارکباد پیش کی ہے۔

صدارتی اطلاعاتی  ڈائریکٹوریٹ کے بیان کے مطابق صدر ایردوان نے صدر   زرداری سے ٹیلی  فون پر بات  چیت کی ہے۔

آصف زرداری کو صدر منتخب ہونے پر مبارکباد دیتے ہوئے ایردوان نے کہا  کہ  وہ توقع کرتے ہیں کہ دونوں ممالک کے درمیان تعلقات ہر شعبے میں ترقی کریں گے اور امید ظاہر کی کہ  یہ نیا دور پاکستان کے لیے سود مند ثابت ہوگا۔

عام انتخابات کے دوران پاکستان میں دہشت گردانہ حملوں کی مذمت کرتے ہوئے ایردوان نے کہا کہ ترکیہ دہشت گردی کے خلاف جنگ میں پاکستان کے ساتھ کھڑا رہے گا۔