ڈائریکٹر اطلاعات کا 10 جنوری ورکنگ صحافیوں کے دن  کے  موقع پر بامعنی پیغام

صدارتی محکمہ اطلاعات کے ڈائریکٹر فخرالدین آالتون نے کہا ہے کہ صحافیوں کو غزہ میں اسرائیل کے قتل عام کے بارے میں خبریں حاصل کرنے کے حق سے محروم رکھا گیا ہے۔

فخر الدین  آلتون نے 10 جنوری ورکنگ صحافیوں کے دن  کے  موقع پر ایک پیغام  جاری کیا۔

ملکی اور عالمی ایجنڈے سے متعلق  حقیقی معلومات  کو فراہم کرنے میں میڈیا کی اہمیت پر زور دینے والے آلتون نے کہا کہ میڈیا ، جمہوری اقدار کے ناگزیر عناصر میں سے ایک ہے۔

ڈائریکٹر اطلاعات نے کہا کہ میڈیا کے ارکان ترکیہ کی بین الاقوامی کامیابیوں سے آگاہی کرانے میں اہم کردار ادا کرتے ہیں۔

غلط معلومات پر مبنی مہمات کی طرف توجہ مبذول کراتے ہوئے، آلتون نے کہا، "ہم اخلاقیات اور صحافت کے اصولوں پر عمل کرنے والے صحافیوں کو اپنا سب سے مضبوط سہارا تصور کرتے ہیں۔"

انہوں نے بتایا کہ اسرائیل کے غزہ پر حملوں میں ایک سو سے زائد صحافی اپنی جانوں سے ہاتھ دھو بیٹھے ہیں۔

یہ بتاتے ہوئے کہ غزہ میں صحافیوں کے  خبر رسانی کے حقوق  ایک  طرف ان کو جینے کا بھی حق حاصل نہیں  آلتون نے اس بات پر زور دیا کہ ہم محکمہ اطلاعات کے طور پر پریس کے ارکان کی پیشہ وارانہ زندگی کو سہل بنانے  کے عمل کو  جاری رکھیں گے۔

انہوں نے  "ایمانداری، انصاف اور غیر جانبداری   کے علمبردار صحافیوں کو  "دس جنوری  ورکنگ  صحافیوں کے دن " کی مبارکباد  دی ہے۔