اسرائیل کے ساتھ تعمیری مذاکرات جاری ہیں۔ : وزیر خارجہ میولد چاوش اولو

وزیر خارجہ میولود چاوش اولو  نے کہا کہ ایک مثبت ایجنڈے (اسرائیل کے ساتھ) پر کام کرنے سے اختلاف کو زیادہ تعمیری طریقے سے سنبھالنے میں مدد مل سکتی ہے۔

میولود چاوش اولو   نے اسرائیل میں اپنے ہم منصب Yair Lapid کے ساتھ دو طرفہ اور بین وفود کی ملاقات کے بعد ایک مشترکہ پریس بیان میں  کہی۔

میولود چاوش اولو   نے کہا کہ اختلافات کے باوجود (اسرائیل کے ساتھ) پائیدار بات چیت جاری رکھنا فائدہ مند ہو گا۔

انہوں نے کہا کہ ایک دوسرے کی حساسیت کے باہمی احترام پر مبنی ہونا چاہیے۔ یہ نہ صرف ہمارے دو طرفہ تعلقات بلکہ ہمارے خطے میں امن کے لیے بھی فائدہ مند ہوگا۔

چاوش اولو نے کہا کہ انہوں نے اپنے اسرائیلی ہم منصب سے ملاقات کے دوران علاقائی مسائل پر بھی تبادلہ خیال کیا ہے۔

انہوں نے کہا کہ "مثبت ایجنڈے پر کام کرنے سے ہمیں اپنے اختلافات کو زیادہ تعمیری طریقے سے سنبھالنے میں مدد مل سکتی ہے۔ درحقیقت، ہم نے گزشتہ رمضان میں سربراہان مملکت کی سطح پر جو  مذاکرات  شروع کیے تھے اس نے بھی امن برقرار رکھنے کی کوششوں میں تعاون  حاصل ہوا ہے۔

انہوں نے کہا کہ  وہ اسرائیل کے ساتھ وزارتوں اور متعلقہ عوامی اداروں کے درمیان تکنیکی میٹنگز کو دوبارہ قائم کرنے پر متفق ہیں۔

انہوں نے کہا کہ "ہم نے بہت سے شعبوں میں اپنے تعلقات کو تقویت دینے، اب سے مختلف میکانزم قائم کرنے اور سول ایوی ایشن پر مذاکرات دوبارہ شروع کرنے پر اتفاق کیا ہے۔

اس بات پر زور دیتے ہوئے کہ جغرافیائی قربت اور تکمیلی معیشتیں ترکی اور اسرائیل کو فطری تجارتی شراکت دار بناتی ہیں،

انہوں نے کہا کہ "ترکی اور اسرائیل ان 10 ممالک میں شامل ہیں جو ایک دوسرے کے ساتھ سب سے زیادہ تجارت کرتے ہیں۔ نئی قسم کی کورونا وائرس (کوویڈ 19) وبا جیسی مشکلات کے باوجود ہم جن کا سامنا کر رہے ہیں، ہمارے ماضی میں اختلافات کے باوجود ہماری تجارت کا حجم مسلسل بڑھ رہا ہے۔

اسرائیل کے وزیر خارجہ نے کہا کہ  ترک وزیر خارجہ سے  ملاقات کے بعد، ہم نے باہمی مشترکہ (ترکی-اسرائیل) اقتصادی کمیشن اقدام کو دوبارہ شروع کرنے پر اتفاق کیا۔

دوسری جانب وزیر چاووش اولو نے اسرائیلی وزیر سیاحت یول رزوزوف اور علاقائی تعاون کے وزیر ایساوی فریج سے ملاقات کی۔

وزیر خارجہ  میولود چاوش اولو  نے اپنے سوشل میڈیا اکاؤنٹ پر ملاقات کے بارے میں ایک بیان  جاری کیا ہے۔

انہوں نے کہا کہ "ہم نے اسرائیلی وزیر سیاحت یول رزوزوف اور علاقائی تعاون کے وزیر ایساوی فریج سے ورکنگ ڈنر پر ملاقات کی۔