ترکی کی جانب سے اسرائیل کی مذمت

ترک دفتر خارجہ نے القدس بلدیہ سے منسلک  ریجنل پلاننگ اینڈ  کنسٹرکشن کمیٹی   کی جانب سے مقبوضہ القدس میں 3 ہزار 557 نئی رہائشی بستیوں پر  محیط 5  کالونیو ں کے منصوبے کی  مذمت کی ہے۔

وزارتِ   نے اپنے تحریری  بیان میں اس بات کی یاد دہانی کرائی ہے کہ  مقبوضہ فلسطینی سر زمین پر اسرائیل کی آباد کاریا ں  اقوام متحدہ کی قرار دادوں سمیت  بین الاقوامی قوانین کے منافی ہے۔

اعلامیہ میں  واضح کیا گیا ہے کہ  جغرافیائی  سالمیت  کے برخلاف اور ریاست فلسطین کے  قیام   کو خطرے سے دوچار کرنے والی  کاروائیاں دو مملکتی حل کے نکتہ نظر اور پائدار امن کے لیے زمین ہموار کرنے  کے عمل کو سنجیدہ سطح پر  نقصان پہنچا رہی ہیں۔

اسرائیل  کی جانب سے سن 1967 میں قبضہ کردہ دریائے اُردن کے مغربی کنارے پر اڑھائی سو  زائد  یہودی بستیاں قائم کی گئی ہیں۔  یہاں پر قیام پذیر یہودی  آباد کار  مقبوضہ علاقے میں مقیم فلسطینیوں  کی زندگیوں کو اجیرن بنا رہے  ہیں۔