بلغاریہ کے سفیر کی وزارتِ خارجہ طلبی

انقرہ میں بلغاریہ کے سفیر اینگوئل ہرسٹوف چولاکوف کو وزارت خارجہ میں طلب کرتے ہوئے  بلغاریہ میں ووٹرز کو ترک سرکاری حکام کی طرف سے ہدایت دیے جانے اور بلغاریہ کے اندرونی معاملات میں مداخلت کیے جانے کے  تمام الزامات کو مسترد کردیا گیا ہے۔

وزارت خارجہ سے موصولہ اطلاعات کے مطابق  ۔ بلغاریہ نے 14 نومبر کو  ہونے والےصدارتی اور پارلیمانی  انتخابات میں مداخلت کرنے کے الزام میں صوفیہ میں ترکی کی سفیر آئلن  سیکز کیوک کو وزارتِ خارجہ طلب کیے جانے پر ترکی کے  نائب وزیر خارجہ   اور یورپی امور  چئیرمین  فاروق   قائماکچی  نے بلغاریہ کے سفیر کو وزارتِ خارجہ طلب کیا۔

چولاکوف کو بتایا گیا کہ ترکی نے  بلغاریہ کے انتخابات کے دائرہ کار میں  ووٹ ڈالنے کے عمل میں تمام ضروری سہولتیں فراہم کی ہیں   اسلیے  حکومتِ بلغاریہ کی جانب سے  بلغاریہ کے  ووٹروں کو ترکی کے سرکاری حکام کی ہدایات دی جانے اور اندرونی معاملات میں مداخلت کرنے  کے  تمام الزامات کو مسترد کرتے ہیں۔  

سفیر  ِ موصوف کا آگاہ کیا گیا کہ  ترکی کے سفیر کو بلغاریہ کی وزارت خارجہ میں طلب کرنا  اور بلغاریہ کے حکام کی جانب سے ایجنڈے میں بے بنیاد الزامات لگانا عجیب ہے اور یہ کونسل آف یوروپ اور یورپی یونین کے رکن بلغاریہ کے لیے ناقابل قبول ہے۔

سفیر ِ موصوف کو  صوفیہ میں ترک سفارت خانے کے سامنے نامناسب مظاہروں اور رویے پر شدید ردِ عمل سے آگاہ کیا گیا۔