یونانی سرحدی فورسز نے نقل مکانوں کو زدو کوب کر کے ترکی کی طرف دھکیل دیا

یونانی بارڈر فورسز کی طرف سے زدوکوب کے بعد زبردستی ترکی کی طرف دھکیلے گئے مراکش الاصل 13 غیر قانونی نقل مکانوں کو ترکی کے ضلع ایدرنے میں طبّی امداد فراہم کی گئی۔

موصول معلومات کے مطابق ترکی کے علاقے ساری بائیر میں زیرِ تعمیر عمارت کے مزدوروں نے مار پیٹ کی وجہ سے بے حال نقل مکانوں کو دیکھنے کے بعد پولیس کو اطلاع دی۔

نقل مکانوں کا کہنا ہے کہ یونان پہنچنے کے بعد وہ گرفتار ہو گئے اور یونانی فوجیوں نے انہیں ڈنڈوں سے پیٹ کر براستہ دریائے مریچ زبردستی ترکی دھکیل دیا ہے۔ نقل مکانوں کے جسم پر ضربوں کے نشانات اور بعض کے جسموں پر لباس کی عدم موجودگی مرکز توجہ بنی۔

نقل مکانوں کو ایدرنے ہسپتال میں ضروری طبّی امداد کی فراہمی کے بعد امورِ نقل مکانی ڈائریکٹریٹ کے حوالے کر دیا گیا ہے۔