صدر ایردوان کے قدرتی گیس کے مژدے کی عالمی پریس میں وسیع بازگشت

صدر رجب طیب ایردوان   کی جانب سے  بحیرہ اسود  میں قدرتی گیس  کے ذخائر  کے مژدے  کی عالمی پریس میں وسیع پیمانے  کی باز گشت  سنائی دی ہے۔

رائٹرز نیوز ایجنسی  نے اس پیش رفت کو بریکنگ نیوز کے طور پر نشر کیا۔

اس خبر کے مطابق  صدر  ایردوان نے کہا ہے کہ   ترکی کے بحیرہ اسود کے علاقے میں 135 ارب مکعب میٹر  قدرتی گیس  کا کھوج لگایا گیا ہے۔

امریکی اسوسیئٹیڈ پریس نے  اطلاع دی ہے کہ ترکی  نے بحیرہ اسود میں قدرتی گیس دریافت ہونے کا اعلان کیا ہے۔  تو  اس سے قبل 405 ارب مکعب میٹر قدرتی گیس  دریافت ہونے کی بھی یاد دہانی کرائی ہے۔

امریکی  نشریاتی ادارے بلوم برگ ’’ ایردوان نے بحیرہ اسود میں قدرتی گیس کی  ایک نئی دریافت ہونے کا اعلان کیا ہے۔‘‘ کے عنوان کے تحت خبر نشر کی ہے۔

جرمن در  اشپیگل  نے بھی اپنے قارئین کے لیے لکھا ہے کہ  ترکی میں قدرتی گیس کے نئے ذخائر دریافت ہو گئے

صدر ایردوان کے بیانات بوسنیا ہرزیگوینیا  کے ایجنڈے میں  بھی شامل ہوئے ہیں۔

اس ملک کی نیوز ویب سائٹ  اوسلو بود جینجے  نے اطلاع دی ہے کہ ایردوان نے ترکی کی ساکھ کو مزید بلند کیا ہے،  ترک صدر نے قوم کو ایک اور مژدہ دیا ہے۔  اسی خبر میں  گزشتہ برس بحیرہ اسود میں 405 ارب مکعب میٹر  قدرتی گیس  کا حوالہ  دیتے ہوئے  لکھا گیا ہے کہ یہ سال 2020 کی  عظیم ترین دریافت تھی۔