نیٹو کے اندر ترکی کا نمایاں کردار آئندہ بھی جاری رہے گا
نیٹو وزرا دفاع اجلاس 30 اتحادی ممالک کے وزرا کے ویبنار اجلاس کی شکل میں سر انجام پایا
![نیٹو کے اندر ترکی کا نمایاں کردار آئندہ بھی جاری رہے گا](http://cdn.trt.net.tr/images/xlarge/rectangle/515f/e8ac/54a4/603a5ceb9372b.jpg?time=1719065862)
وزیر ِ دفاع خلوصی آقار نے نیٹو وزرا دفاع کے اجلاس میں ترکی کی نیٹو میں خدمات پر زور دیا اور کہا کہ نیٹو کےجنوبی یورپ میں داعش، پی کے کے، وائے پی جی سمیت تمام تر دہشت گرد تنظیموں کے خلاف آپریشنز جاری ہیں۔
وزارت دفاع کے اعلامیہ کے مطابق نیٹو وزرا دفاع اجلاس 30 اتحادی ممالک کے وزرا کے ویبنار اجلاس کی شکل میں سر انجام پایا۔
14 جون کو نیٹو کے حکومتی و مملکتی سربراہان کے اجلاس کی تیاری کے دائرہ عمل میں منعقدہ اس اجلاس میں نیٹو کے سلسلہ 2030 اور افغانستان کی تازہ پیش رفت پر غور کیا گیا۔
اس حوالے سے جاری کردہ اعلامیہ میں مندرجہ ذیل معلومات کو جگہ دی گئی:’’ اجلاس میں وزیر دفاع خلوصی آقار نے ترکی کی نیٹو میں خدمات کو اجاگر کیا اور نیٹو کی جنوبی یورپ میں دہشت گرد تنظیموں کے خلاف کاروائیوں کے جاری ہونے کا ذکر کیا گیا ، امسال کسی بحران کی صورت میں نیٹو کی ریڈی فورس کی کمان ترکی کے ہاتھ میں ہونے کی وضاحت کی گئی، ترکی کی موجودہ خدمات کے علاوہ سائبر امکانات اور استعداد کی بدولت فضائی پولیس اور علاقائی سلامتی پروازوں میں بری، بحری اور فضائی عناصر کے ساتھ خدمات فراہم کرنے پر توجہ مبذول کرائی گئی۔‘‘
جناب آقار نے افغانستان کی پیش رفت کے بارے میں بات کرتے ہوئے کہا کہ اس ملک میں نیٹو اور اس کے اتحادیوں کا تعاون جاری رہنا چاہیے، وگرنہ افغانستان میں حاصل کردہ کامیابیاں رائیگاں جا سکتی ہیں، ترکی اس ملک میں قیام امن کے لیے اپنی ذمہ داریوں کو احسن طریقے سے جاری رکھے گا۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719065862)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
![صوبہ شرناک میں ایک خصوصی آپریشن میں 4 دہشت گرد غیر فعال](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719065862)
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی