ہوائی اڈوں اور بری سرحدوں سےآنے والے پی سی آر ٹیسٹ کے پابند ہونگے: وزارت صحت

 ہوائی اڈوں اور بری سرحدوں کے راستے بیرون ملک سے آنے والوں کےلیے پی سی آر ٹیسٹ لازمی قرار دے دیا گیا ہے۔

 بتایا گیا ہے کہ جن کے پاس پی سی آر ٹیسٹ  کی رپورٹ موجود نہیں ہوگی انہیں ملک میں داخل نہیں ہونے دیا جائے گا یا دوسری صورت میں ایسے مسافروں کو  ترکی میں ان کے زیر قیام بتائے گئے پتے یا ہوٹل میں زیر قرنطینہ رکھا جا سکے گا۔

حکام کے مطابق زیر قرنطینہ میعاد ایک ہفتے پر مشتمل ہوگی جس کے نتیجے میں اگر حامل یا حاملہ میں کورونا کی علامات پائی گئیں تو انہیں براہ راست ہسپتال منتقل کیا جائے گا جبکہ منفی نتیجہ آنے کی صورت میں انہیں باہر جانے کی اجازت دی جا سکے گی ۔

یہ عمل درآمد مارچ تک جاری رہے گا۔