ترکی: ایردوان ۔ پوتن ملاقات

ترکی کے صدر رجب طیب ایردوان نے روس کے صدر ولادی میر پوتن کے ساتھ ٹیلی فونک ملاقات کی ہے۔

صدارتی دفتر محکمہ مواصلات کی طرف سے جاری کردہ بیان کے مطابق مذاکرات میں ترکی۔روس تعلقات میں فروغ کے لئے اقدامات پر غور کیا گیا ۔ علاوہ ازیں آذربائیجان۔آرمینیا مسئلے اور شام اور لیبیا کی صورتحال کا جائزہ لیا گیا۔

مذاکرات میں صدر رجب طیب ایردوان نے کہا ہے کہ آرمینیا نے آذربائیجان کی زمین پر حملہ کر کے بحران پیدا کیا ہے اور تقریباً 30 سال سے  آذربائیجان کی زمین پر جاری قبضے کو مستقل شکل دینے کی کوشش کر رہا ہے۔

انہوں نے کہا ہے کہ خواہ منسک  گروپ  کے اندر اپنی حیثیت  کے ساتھ  ہو خواہ دو طرفہ تعلقات کے دائرہ کار  میں ترکی اس مسئلے کے پائیدار حل کے حق میں ہے۔

صدر ایردوان نے شامی بحران کے سیاسی حل  کے مرحلے میں پیدا ہونے والی تیزی  کو برقرار  رکھنے کی ضرورت پر بھی زور دیا