جنوبی قبرص پر لاگو امریکی اسلحہ پابندی میں نرمی جلتی پر تیل کا کام کرے گی: تاتار
شمالی قبرص کے وزیراعظم ارسین تاتار نےامریکہ کی طرف سے جنوبی قبرص پر عائد اسلحہ کی پابندی نرم کرنے پر سخت احتجاج کرتےہوئے کہا ہے کہ جلتی پر تیل چھڑکنے کے مترادف ہوگا
شمالی قبرصی ترک جمہوریہ نے امریکہ کی طرف سے جنوبی قبرص پر عائد اسلحہ کی پابندی نرم کرنے پر سخت احتجاج کیا ہے۔
شمالی قبرص کے وزیراعظم ارسین تاتار نے اس حوالے سے اپنے بیان میں کہا کہ جنوبی قبرص پر لاگو اسلحے کی پابندی کو یکم اکتوبر 2020 سے 30 ستمبر 2021 کے درمیان نرم کرنے کا امریکی فیصلہ غلط ہے ،موجودہ صورت حال میں ترک یونان کشیدگی خطے میں عروج پر ہے جس کے دوران اس قسم کا فیصلہ سلامتی کونسل کے مستقبل رکن ملک امریکہ کو زیب نہیں دیتا۔
انہوں نے کہا کہ یہ فیصلہ امن کا نہیں بلکہ یونان سے عدم مفاہمت کا مزید وسیلہ بنے گا، ہم امریکہ سے سخت احتجاج کرتے ہوئے یہ فیصلہ واپس لینے کی درخواست کرتے ہیں لیکن ساتھ یہ بھی باور کرد یں ترکی اپنے اور شمالی قبرص کے جائز حقوق کا دفاع کرتا رہے گا۔
واضح رہے کہ امریکہ نے جنوبی قبرص پر سن 1987 سے اسلحے کی پابندی عائد کر رکھی تھی ۔
متعللقہ خبریں
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی