ترکی کے مقامی محارب ڈرون طیارے نے تجرباتی پرواز کامیابی سے مکمل کر لی
مقامی امکانات سے تیار کردہ بائراکتار آقن جی محارب ڈرون طیارے کے دوسرے پروٹو ٹائپ نے دوسری تجرباتی پرواز کامیابی سے مکمل کر لی
![ترکی کے مقامی محارب ڈرون طیارے نے تجرباتی پرواز کامیابی سے مکمل کر لی](http://cdn.trt.net.tr/images/xlarge/rectangle/240c/9903/229d/5f3e38ba734c8.jpg?time=1719071728)
ترکی کی فضائی دفاعی صنعت بائیکار کے مقامی امکانات سے تیار کردہ بائراکتار آقن جی محارب ڈرون طیارے کے دوسرے پروٹو ٹائپ نے چورلُو ائیر پورٹ بیس کمانڈ میں واقع بائراکتار آقن جی پرواز اور تعلیمی مرکز میں دوسری تجرباتی پرواز کامیابی سے مکمل کر لی ہے۔
بائیکار کی طرف سے جاری کئے گئے بیان کے مطابق ، بائراکتار آقن جی محارب ڈرون طیارے کے دوسرے پروٹو ٹائپ نے بائیکار ٹیکنیک منیجر سلجوق بائراکتار کے زیر انتظام ٹیسٹ پرواز کو اوسطاً 20 ہزار فٹ ارتفاع پر 2 گھنٹے 26 منٹ فضاء میں رہ کر کامیابی سے مکمل کر لیا ہے۔
فضاء میں کامیاب تجرباتی پرواز کے بعد بائراکتار محارب ڈرون طیارے کے دوسرے پروٹو ٹائپ نے کامیاب لینڈننگ کی اور اس طرح اس دوسرے پروٹو ٹائپ کی دوسری اور کُل چوتھی تجرباتی پرواز کامیابی سے مکمل ہو گئی۔
محارب طیارے نے اپنے پہلے پروٹوٹائپ کے ساتھ پہلی تجرباتی پرواز 6 دسمبر 2019 کو کی۔
اس تجرباتی پرواز میں طیارہ 16 منٹ تک فضاء میں رہا۔ 10 جنوری 2020 میں پروٹوٹائپ نے سسٹم ویریفیکیشن ٹیسٹ کے لئے ایک گھنٹہ 6 منٹ کی پرواز کی۔
بائراکتار آقن جی محارب ڈرون منصوبے کے تیسرے پروٹوٹائپ کی تیاری بائیکار قومی ڈرون تحقیقی و پیداواری مرکز میں جاری ہے اور سال کے آخر تک بائراکتار آقن جی محارب ڈرون طیارے کی تکمیل کا ہدف قائم کیا گیا ہے۔
تیسرے پروٹائپ کو بھی تیاری کے بعد تجرباتی پرواز کے لئے چورلُو ائیر پورٹ بیس کمانڈ بھیجا جائے گا۔
متعللقہ خبریں
![ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ](http://cdn.trt.net.tr/images/medium/rectangle/d431/4da4/2a0f/665576b9c9569.jpg?time=1719071728)
ترکیہ آرمینیا کے فلسطین کو تسلیم کرنے کا خیر مقدم کرتا ہے، دفترِ خارجہ
فلسطین کو تسلیم کرنا بین الاقوامی قانون، انصاف اور ضمیر کا تقاضا ہے
![صوبہ شرناک میں ایک خصوصی آپریشن میں 4 دہشت گرد غیر فعال](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719071728)
صوبہ شرناک میں ایک خصوصی آپریشن میں 4 دہشت گرد غیر فعال
بیت الشباب کے نواحی علاقوں میں علیحدگی پسند دہشت گرد تنظیم کے رکن دہشت گردوں کے ساتھ جھڑپ ہوئی